Cîgirê Serokê Herêma Kurdistanê li gel Konsulê Giştî yê Rûsyayê civiya

Buroya Çapemeniyê ya Şêx Cafer

Şêx Cafer û Maksîm Robîn

Cîgirê Serokê Herêma Kurdistanê Şêx Cafer Şêx Mistefa pêşwaziya Maxim Robin Konsulê Giştî yê Rûsyayê li Herêma Kurdistanê kir.

Di hevdîtinê de peywendiyên di navbera Rûsya û Herêma Kurdistanê, pêşhatên dawî yên siyasî yên Iraq û navçeyê, pêkanîna kabîneya nû ya hikûmeta Herêma Kurdistanê, peywendiyên navbera Hewlêr û Bexdayê û çendîn mijarên hevbeş ên di navbera her du aliyan de hatin gotûbêjkirin.

Her du alî tekezî li ser pêşxistina peywendiyên di navbera Rûsya û Iraqê û Herêma Kurdistanê li ser bingeha berjewendiyên hevbeş kirin û hevdeng bûn ku pirsgirêkên  navbera Hewlêr û Bexdayê di çarçoveya destûrê de bi diyalog û jihevtêgihiştinê bên çareserkirin.

PUKMEDIA