Nêrweyî: Serdana Serok Bafil bo Bexdayê encam da ku Helebce bibe parêzgeh

Kurdistan 03:24 PM - 2025-04-15

Endamê Serkirdatiya YNKê Letîf Nêrweyî

Serdana herî dawî ya Serok Bafil Celal Talebanî bo Bexdayê û hevdîtinên bi serok, serokwezîr û hêz û partiyan re bû sedema parêzgariya Helebce û serokê desteya ragehandinê ya YNKê jî dibêje:“Serdana serokwezîrê Iraqê bo Silêmaniyê, giraniya YNKê li herêmê wek hêzeke siyasî ku roleke sereke di yekrêziya aliyên navçe û Iraqê de heye, îsbat dike.”

YNK bûye parêzvanê mafên xelkê Helebce

Berpirsê desteya ragihandinê ya Yekîtiya Niştimanî ya Kurdistanê (YNK) Letîf Nêrweyî ji kanala gelê Kurdistanê re ragihand:“YNK’ê her tim parastina mafên Helebceyan kiriye û çend navendên girîng ên akademîk ên weke zanîngeh û peymangehan vekirine, ev hewldan berdewam bûn û serdana dawî ya Serokê YNK’ê Bafil Celal Talebanî bo Bexdayê, hewla dawî bû ji bo pesendkirina proje yasaya parêzgeha Helebceyê.’’

“Yek ji armancên serdana Serok Bafil bo Bexdayê bidawîanîna pirsa parêzgeha Helebce bû, ji bo vê mebestê ji bilî hevdîtina li gel Serok û Serokwezîr serdana piraniya serkirdeyên aliyên Sunne û Şîe yên Bexdayê kir.

Wî zêde kir:“Ji îro û pê ve em dikarin baştir xizmeta xelkê Helebce bikin û heta radeyekê birînên wan derman bikin, erkê hikûmeta Herêma Kurdistanê ye ku zêdetir xizmetguzarî û derfetên kar ji bo parêzgehê peyda bike.’’

YNKê hewl daye li ser rêya Serok Mam Celal yekrêziyê bike

Serokwezîrê Iraqê Mihemed Şîa Sûdanî wê li Silêmaniyê bi Serokê Yekîtiya Niştimanî ya Kurdistanê (YNK) Bafil Celal Talebanî re hevdîtin bike.“Silêmanî navendeke girîng a biryardana siyasî ye li herêmê û gelek caran li herêmê, YNK jî hêzeke giran e li herêmê û roleke mezin di yekrêziya aliyên herêmê û Iraqê de heye.’’wiha got

“Di dema ku em spasiya fraksiyonên Kurdistanî dikin ji bo yekrêziya fraksiyonên Kurdistanî li ser pirsa parêzgeha Helebce, lê divê em spasiya hinek fraksiyonan û parlamenterên Iraqî bikin ku ji bo pesendkirina proje yasayê alîkariya kurdan kirin, ku ev yek jî eşkere dike ku her carê Kurd li Bexdayê yekdeng bin wê sebikevin.’’Wi got

PUKMEDIA