Konferansa amadekariya Dîdara YNKê li Kerkûkê birêve diçe

PUKMEDIA

Dîdara YNK

Biryare îro Çarşemê li parêzgeha Kerkûkê heştemîn konferansa amadekarî ya duyemîn dîdara Yekîtiya Niştimanî ya Kurdistanê dest pê bike.

Komîteya Bilind a Duyemîn dîdarê ji bo nirxandina konferansên berê yên li Mûsil, Hewlêr, Koye, Germiyan, Helebce û Silêmaniyê civînek li dar xist û coşa hemû hevalên beşdar di konferansan de bilind nirxand.
Herwiha Komîteya Bilind biryar da ku îro Çarşemê 26/3/2025ê, nehemîn konferansa duyemîn dîdara Yekîtiya Niştimanî li parêzgeha Kerkûkê birêve biçe û rêhevalên rêxistinên Kerkûk û Selahedîn beşdarî konferansê bibin.

Endamê Encûmena Serkirdayetiya YNK Sitra Ebdullah ji PUKMEDIA`yê re ragihand: Kadro ew in ku pilanên pêşxistina YNKê dirust dikin û biryarên Dîdarê dê pêşkêşî civata serkirdayetiyê bên kirin û deng li ser bên dayîn û piştre dê bibin siyaseta YNKê.

Got jî: Heştemîn konfransa amedekarî ya ku îro li Kerkûkê tê lidarxistin, gelek giringe ji ber ku Yekîtî giringîyek mezin dide Parêzgarê Kerkûkê, em hêvîdar in hemû kadroyên YNKê bi coş beşdarî xebatên konferansê bibin û pêşniyar û nêrînên xwe pêşkêş bikin da ku bibe bernameya qonaxa bê ya YNKê.

Got jî: Weke hûn jî dizanin navçe ber bi guhertinên mezin ve diçe. Em li Herêma Kurdistanê ber bi avakirina hikûmeta nû ve diçin, çawa ku em li Êraqê ber bi hilbijartinên parlamentoyê ve diçin. Pirsgirêka Kurd li Sûriye û Tirkiyeyê jî di nava geşedanên mezin de ye û ber bi aştiyê ve diçe. Yekîtiya Niştimanî ya Kurdistanê û Serok Bafil Celal Talebanî roleke girîng û mezin di pêşxistina aştiyê li Rojhilata Navîn de heye û ew jî li ser rêya Serokê rihmetî Mam Celal dişopîne ku bi rêya aştî û diyalogê pirsgirêkan çareser bike.
Armanca konferansan ewe ku nêrîna nû ya YNKê û amadekariyên qonaxeke nû ya jiyana siyasî û rêvebirina Herêma Kurdistanê ji nû ve were daraştin û gotûbêjkirin. Kadro, kesayetên navdar û pêkhateyên cuda yên YNKê dê beşdarî konferansê bibin.


PUKMEDIA