Li Kerkûk amadekariyên heştemîn konferansa Dîdara YNK`ê

PUKMEDIA

Logoya YNK

Biryare roja Çarşema bê li Kerkûkê heştemîn konferansa amadekarî ya duyemîn Dîdara Yekîtiya Niştimanî ya Kurdistanê dest pê bike.

Komîteya Bilind a Duyemîn Dîdara Yekîtiya Niştimanî ya Kurdistanê ji bo nirxandina konferansên berê yên li Mûsil, Hewlêr, Koye, Germiyan, Helebce û Silêmaniyê civînek li dar xist û coşa hemû hevrêyên xwe yên ji bo beşdarbûna di konferansan de bilind nirxand.

Komîteya Bilind her wiha biryar da ku çarşema bê 26/3/2025ê li parêzgeha Kerkûkê nehemîn konferansa dîdara duyemîn a YNK were lidarxistin û tê de hevalên rêxistinên Kerkûk û Selahedîn beşdarî bibin.

Armanca van konferansan amadekirina duyemîn dîdara berfireh a Yekîtiya Niştimanî ya Kurdistanê ye ku wê bi amadebûna Bafil Celal Talebanî Serokê Yekîtiya Niştimanî ya Kurdistanê tê lidarxistin.

Armanca konferansan ewe ku nêrîna nû ya YNKê û amadekariyên qonaxeke nû ya jiyana siyasî û rêvebirina Herêma Kurdistanê ji nû ve were daraştin û gotûbêjkirin. Di konferansan de kadro, kesayetên navdar û pêkhateyên cuda yên YNKê dê beşdarî konferansê bibin.

Di konferansan de, kadro û beşdarên YNKê dê nêrîna xwe ya derbarê paşeroja YNKê û siyasetên ku di qonaxên pêş de bên meşandin, pêşkêş bikin. Her wiha armanca wan konferansan bihêzkirina pêgeh û bandora YNKê ye ku wek aliyek herî diyar û bibandor li ser qada siyasî ya Herêma Kurdistanê, Êraq û navçeyê û herwiha li ser asta peywendiyên navdewletî. Mekanîzmayek ji bo guhastin û pêşketinên ku li herêmê diqewimin dê were gotûbêjkirin û pejirandin.

Yekemîn konferansa YNK roja 12/3/2022ê bi serperiştiya Qubad Talebanî dest pê kir û di 31/5/2022ê de bi dawî hat û di konferansê de siyaseta YNKê di warên cuda de hate diyarkirin û bû stûnek ji siyaseta giştî ya YNKê.

PUKMEDIA