Fermana zîndankirina Ekrem Îmam Oglu derket

Ajans

Şaredarê Stanbolê Ekrem Îmam Oglu

Li gor ku yek ji parêzerên Oglo ji Ajansa France-Presse re gotiye: Îro Yekşemê dadger fermana gitina şaredarê Stenbolê yê opozisyon Ekrem Îmam Oglu da, girtina wî roja çarşemê bû sedema xwepêşandanên berfireh li Tirkiyê .

Îmam Oglu, hevrikê sereke yê Serok komar Receb Tayb Erdogane ku di heman demê de bi "terorîzmê" tê sûcdarkirin, êvara Şemiyê bi 90 sûcdarên din re li Edliyeya Çaglayanê ya Stenbolê derket.

Girtina Îmam Oglû vê hefteyê bi tundî aloziyên siyasî bilind kir û bû sedema xwepêşandanên berfireh li seranserê Tirkiyê, û xwenîşander li gelek bajaran kom bûn da ku dijberiya xwe bînin ziman.

Gelek kes girtina wî wek hewldaneke siyasî ji bo dûrxistina wî ji pêşbirka serokatiyê ya bê ya ku ji bo sala 2028 hatiye plankirin, dibînin. Hikûmet van tawanan red dike û dibêje ku dadgehên Tirkiyê serbixwe ne.

Rojnameya Cumhuriyetê ragihand, polîsê Tirkiyê roja Şemiyê nêzîkî 5 demjimêran bi Oglu re lêkolîn kir derbarê tohmetê alîkariya Partiya Karkerên Kurdistanê (PKK) ya derqanûnî.

Roja Înê ji ber sûcên gendeliyê çar demjimêran jêpirsîn hat kirin. Şaredar Ekrem Îmam Oglu di her du lêpirsînan de hemû sûcên li ser xwe red kir.

PUKMEIDA