Talebanî: Pêvajoya avakirina hikûmetê bileztir bûye

Nivîsgeha Ragihandinê ya Qubad Talebanî

Talebanî bi balyozên Îtalya û Awustralya re civiya

Cîgirê Serokwezîr Qubad Talebanî bi cuda li gel Balyozê Îtalya li Iraqê Nicolo Fontaia û Balyozê Awustralya li Iraqê Glenn Miles civiya û dawî pêşhatên pêkanîna kabîneya dehemîn a hikûmeta Herêma Kurdistanê gotûbêj kirin.

Di her du civînên roja Çarşemê (19.3.2025) de, Qubad Talebanî eşkere kir ku lihevkirineke gelek baş di navbera YNK û PDKê de pêk hatiye û di civîna dawî de li ser reşnivîsa nêrîna hevbeş a ji bo rêveberiya herêmê li hev kirin. Got jî: li gor vê rewşa erênî proseya pêkanîna hikûmetê bileztir bûye û em geşbîn in ku hikûmeta dahatî di demek nêzîk de bê avakirin.

Cîgirê serokwezîr got: YNK û PDK li ser wê yekê hevfikir in ku li gor rewşa herêmê û cîbicîkirina daxwazên welatiyan, hikûmetek bihêz, kargêr û yekgirtî bê avakirin.

Qubad Talebanî spasiya alîkariyên Îtalya û Awustralya ji bo Herêma Kurdistanê di şerê li dijî terorê de kir û daxwaz ji her du welatan kir ku li hevkariyên xwe berdewam bin ji ber ku heta niha teror gefeke mezine li ser asayîş û aramiya navçeyê.

PUKMEDIA