Seidî Pîre: Reşnivîsa nêrînên hevpar dê bibe bernameya karê hikûmeta nû

PUKMEDIA

Seidî Ehmed Pîre

Berdevkê Yekîtiya Niştimanî ya Kurdistanê Seidî Ehmed Pîre tekez kir ku danûstandinên navbera YNK û Partiya Demokrat a Kurdistanê ji bo pêkanîna hikûmeta nû ya Herêma Kurdistanê bi awayekî baş pêşde diçin.

Seidî Ehmed Pîre di hevpeyvîneke televîzyonî de ku ji aliyê PUKMEDIA`yê ve hatiye şopandin ragihand: Civîna erênî ya di navbera YNK, PDK de ku duh sêşemê li bajarê Hewlêrê hat lidarxistin, piştî civîna bilind a navbera birêz Bafil Celal Talebanî Serokê Yekîtiya Niştimaniya Kurdistanê û Cîgirê Serokê Partiya Demokrata Kurdistanê Mesrûr Barzanî hat.
Eşkere kir ku danûstandin ber bi pesendkirina reşnivîsa dawî ya nêrînên hevbeş ber bi pêş ve diçin û piştre qonaxa dabeşkirina postan di navbera her du aliyan de dê dest pê bike û wê qonax qonax be.

Got jî: Di reşnivîsê de têgihîştina baştir di navbera her du aliyan de ji bo pêkanîna hikûmeta yekgirtî li Herêma Kurdistanê, avakirina hêzeke yekgirtî ya Pêşmerge, bidawîkirina diyardeya du rêveberî li Herêma Kurdistanê û diyarkirina siyaseteke yekgirtî ji bo Herêma Kurdistanê heye. Di vê reşnivîsê de dê pilana karê hikûmeta nû ya Herêma Kurdistanê diyar bike, pirsgirêkan çareser bike, cudahiyê di navbera herêman de bi dawî bike û erkên her wezîr û berpirsekî di hikûmetê de were diyarkirin.

Got jî: Di reşnivîsê de têgihîştina baştir di navbera herdu aliyan de heye
Berdevkê fermî diyar kir: Divê em peywendiyên di navbera YNK, PDK de bihêztir û pêşve bibin, wan ji hev nêzîk bikin, bi hev re kar bikin û nêrînên xwe li ser hemû dosya bikin yek. Baweriya me bi pirdengiyê heye û derî ji hemû aliyên siyasî re vekirî ye ku bikeve peymana damezrandina hikûmetê di navbera Yekîtiya Niştimaniya Kurdistanê û Partiya Demokrat de.

Wî berdewam kir: Pêwendiyên Yekîtiya Niştimanî û Partiya Demokrat baş in. Em ji bo xizmetkirina welatiyan, pêşxistina aramiyê û pêkanîna hikûmeteke berfireh ku xizmeta welatiyan bike kar dikin. Em avakirina hikûmeteke bihêz û bi bernameyeke qayîm ji pêkanîna hikûmeteke ku bi rewşa niha re ne hevaheng e baştir dibînin. Divê em bi hûrgilî kar bikin ji bo pêkanîna hikûmeta nû.
Seidî Ehmed Pîre got: Yekîtiya Niştimanî ya Kurdistanê kar li ser rêkeftina li ser pirsa gaz û petrolê li Herêma Kurdistanê û Êraqê dike daku baştirîn xizmetguzarî pêşkêşî welatiyan bike û kar ji bo çareserkirina hemû pirsgirêkan bike.

PUKMEDIA