Saadî Pîra: Divê Kurdên Rojava bibin yek

PUKMEDIA

Saadî Ehmed Pîra û Ehmed Silêman

Îro li bajarê Silêmaniyê Endamê Mekteba Siyasî ya Yekîtiya Niştimanî ya Kurdistanê (YNK) Saadî Ehmed Pîra pêşwaziya Cîgirê Sekreterê Giştî Partiya Pêşverû Ehmed Silêman û Endamê Mekteba Siyasî ya ya Kurd li Sûriyê Elî Şemdîn kir.

Di civînê de rewşa Sûriyê bi giştî û Rojava bi taybetî piştî rûxana rejîma Beşar Esed hate gotûbêjkirin.

Dubare helwesta kurdên rojava dûpat kir û rêkeftina di navbera QSD  û serokê Sûriyê de wek derfeteke giring ji bo avakirina pêgeheke kurdî li Sûriyê nirxand.

Cîgirê Sekreterê Partiya Pêşverû ya Kurd li Sûriyê Ehmed Silêman xebatên partiyê yên ji bo yekrêziya di navbera hemû partî û pêkhateyên etnîkî yên Rojavayê Kurdistanê de pêşkêş kir.

“Partiya wan berdewamiya siyasetên nemir Hemîd Derwîş e ji bo çareserkirina pirsgirêka Kurd li Rojavayê Kurdistanê” û her wiha pesna helwestên neguherbar ên serkirdatiya YNKê li hember Kurdên Rojavayê Kurdistanê û Partiya Pêşverû ya Kurd li Sûriyê da.

 Di dawiya hevdîtinê de her du alî tekez li ser yekkirina aştî û aramiyê ji bo çareserkirina kêşeyên navçeyê kirin, daku hemû netew û civak bi azadî mafên xwe bikar bînin û destêwerdana derve di guhertinan de nebe.

PUKMEDIA