Projeya deriyê Helebce dê sibê bi dawî bibe

PUKMEDIA

Projeya Deriyê Helebce

Projeya deriyê Helebce dê berî muhleta yasayî bi dawî bibe, ku di salvegera karesata Helebce de li ser daxwaza endamekî Fraksiyona YNKê ji aliyê serokwezîrê Iraqê ve bûdceya pêwîst hatibû terxankirin.

Parlamenterê Fraksiyona YNKê li Parlamentoya Iraqê ÇiroHema Şerîf ji malpera fermî ya Yekîtiya Niştimanî ya Kurdistanê (PUKMEDIA) re ragihand:“Sibe 13-3-2025, karê projeya deriyê Helebceyê pêşwext bi dawî dibe, ku berî salekê û di salvegera karesata Helebce de li ser daxwaza me, serokwezîrê Iraqê du milyar dînar terxan kiribû.’’

Çiro  Hema Şerîf got: "Proje du mehan berî dema xwe ya yasayî bi dawî bû, her çend di dema borî de beşek ji projeyê hatibû vekirin, lê sibe dê tevahiya projeya deriyê Helebce bi dawî bibe."

Wî zêde kir: "Me Serokwezîrê Iraqê Mihemed Şîa Sûdanî vexwendiye ji bo bîranîna kîmyabarana Helebceyê ya 16ê Adarê, lê ne diyar e dê beşdar bibe yan na."

Projeya deriyê Helebce ku bi bihayê 2 milyar dînar hat temamkirin, diyariya Serokwezîrê Iraqê Mihemed Şîa Sûdanî ye. Di 14-3-2024an de kevirê bingehîn ê projeyê hat avêtin û sibê dê bi dawî bibe.’’

PUKMEDIA