Şermezarkirina navdewletî ji bûyerên li peravên Sûriyê

PUKMEDIA

Sûriyê

Wezîrê Derve yê Amerîka Marco Rubio roja Yekşemê bang li desthilatên Sûrî kir ku wê kusên ku bi terorîstên tundrew yên ku xelk kuştine ceza bike û tekez kir ku Washington ligel kêmîneyên olî û neteweyên li Sûriyê ne, di nav de Elewî, Xiristiyan, Druz û Kurd. Di vê çarçoveyê de Wezîrê Derve yê Brîtanya David Lammy got ku divê desthilatên Şamê parastina hemû gelê Sûriyê bikin û rêyeke zelal ji bo dadweriyê ava bikin.

Wî her wiha got: Rapor diyar dikin ku hejmareke mezin ji sivîlan li navçeyên beravên Sûriyê di nava tundûtûjiya berdewam de hatine kuştin.


Ji aliyê xwe ve, Almanya matmayîna xwe li hember raportên kuştina komî li beravên Sûriyê nîşan da, û daxwaz ji hikûmetê kir ku rê li êrîşên zêdetir bigire.
Ji aliyê xwe ve Komisyona Bilind ê Mafên Mirovan ê Netewên Yekgirtî Volker Turk ragihand, ku raportên gelek dilgiran li ser kuştina hemû malbatan, di nav wan de jin û zarok, werdigirin.
Volker her wiha destnîşan kir ku rapor derbarên kuştina taîfî hene.
Komisyonê Neteweyên Yekbûyî banga lêkolînên bilez û zelal li ser hemû kuştin û binpêkirinên din li Sûriyê kir.

Parîs jî "binpêkirinên li dijî sivîlan li ser bingehên mezhebî û girtiyan" li Sûriyê şermezar kir, piştî kuştina bi sedan li peravên Sûriyê di pevçûnên ku du rojan berdewam kirin. Wezareta Derve ya Fransî di daxuyaniyekê de bang li "desthilatên Sûriyê yên veguhêz" kir ku lêkolînên serbixwe bikin ji bo eşkerekirina hemû tawanbaran û cezakirina kesên berpirsyar.

Wezareta Derve ya Fransî dûpat kir ku "pabendbûna xwe bi veguheztineke siyasî ya aştiyane û berfireh, bêyî destwerdanên derve, ku parastina pirrengiya mezhebî li Sûriyê misoger dike", û tekez kir ku ev yek "rêya yekane ye ji bo nehiştina welat ber bi perçebûn û tundûtûjiyê ve.

Yekîtiya Ewropî jî bi tundî êrîşên vê dawiyê li navçeyên peravên Sûriyê şermezar kir, û tekezî li ser pêwîstiya parastina sivîlan di her şert û mercî de li gorî yasayên mirovî yên navdewletî kir.