Kosret Resûl banga yekîtî û berdewamiya têkoşînê ji bo bidestxistina daxwazên gel dike

PUKMEDIA

Kosret Resûl Elî

Kosret Resûl Elî bi boneya salvegera serhildana gelê Kurd peyamek weşand û banga yekîtî û berdewamkirina têkoşînê ji bo bidestxistina azadiyê kir.

Bi helkefta salvegera serhildanê û rizgarkirina Kurdistanê ji bin destê rejîma dagîrker a Beisê, pîrozbahiyê li malbatên şehîdên xwe yên rewa, Pêşmergeyên qehreman, girtiyên siyasî, enfalkiriyan, rêxistinên nehênî, şaneyên çekdar û hemû zarokên Kurdistanê dikim û hêvîdar im ku em hemû li ser tekoşîna xwe ya ji bo parastina gelê Kurdistanê berdewam bin.

Roja ku serhildana gelê Kurdistanê ji dergehê serhildanê Raniyê hat destpêkirin û nûçeya serkeftina wê li seranserê Kurdistanê bi serperiştiya û serkirdayetiya Yekîtiya Niştimanî ya Kurdistanê, yekrêzî û yekdengiya hêzên Kurdistanî di çarçoveya eniya Kurdistanê de, û bi beşdariya rasterast a girseyên serhildanê, ku di demeke kin de bû sedema bidawîhatina desthilata rejîma Saddam, li Kurdistanê û  gelê Kurdistanê bo cara yekem karibû hewaya azadiyê bêhn bike.

Îro ku em vê cejna dîrokî ya mezin bi bîr tînin, Kurdistan û herêm di qonaxeke hestiyar re derbas dibe û hêzên siyasî erkdar in ku ji nakokiyan derbas bibin, ji bo bidestxistina daxwaz û hêviyên gelê me bibin yek û bi berpirsyarî li hember xwîna şehîdan û têkoşîna têkoşeran tevbigerin. Divê em helwest û biryara xwe bikin yek ji bo bidestxistina armancên negihaştî yên gelê xwe û dabînkirina jiyaneke bi rûmet.

Careke din bi vê minasebetê pîrozbahiyê li tevahiya gelê Kurdistanê dikim û bi rêz û hurmet li hember wan şehîdên ku xwîna xwe di rêya xak û gel de feda kirine, ditewînin.”

PUKMEDIA