Derbaz Kosret Resûl: Emê dawî li diyardeya hizbîbûnê di hikûmetê de bînin

PUKMEDIA

ndamê Mekteba Siyasî ya Yekîtiya Niştimanî ya Kurdistanê Derbaz Kosret Resûl

Derbaz Kosret Resûl ragihand: Ji bo avakirina kabîneya nû ya hikûmetê hemû çav li ser Yekîtî ne ji ber ku teke hêviya guhertin û serrastkirina rêya netendurist ya hikûmetê ye, ji ber wê jî vê carê YNK dê bibe ortaqê rast û daxwazên me dê bibe sedema xweşguzariyê ji bo gelê Kurd û em dixwazin hikûmet û sazî yên gel bin û di xizmeta gel de bin û dawî li diyardeya hizbîbûnê bînin.

Endamê Mekteba Siyasî ya Yekîtiya Niştimanî ya Kurdistanê Derbaz Kosret Resûl di gotarekê de ku di beşa bîrûra ya PUKMEDIA de di beşa soranî de hatiye weşandin derbarê mijara avakirina hikûmeta nû jî dibêje: Bo pêkanîna hikûmeta nûh çav li ser Yekîtî ne, her kes dixwaze bizane YNK di vê navberê de çi dike, dê çawa biryarê bide û dê ji bo gelê kurd çi bike, ji ber ku her kes dizane ku YNK tenê hêviya guhertin û serrastkirina rêveberiya netendurist e.

Derbaz Kosret Resûl got: Yekîtiya Niştimanî ya Kurdistanê hêviya hevwelatiyane ji bo serastkirina rêbaza hikûmetê li Herêma Kurdistanê û em dê daxwazên welatiyan bikin bernameya xwe û em xelkê Kurdistanê piştrast dikin ku emê derbasî qonaxeke nû bibin û di hikûmeta nû de jî dê kar bikin bo dabînkirina bextewariyê ji bo gelê Kurdistanê û emê bibin ortaqên rasteqîne di hikûmeta dahatî de, û emê bibin şirîkên rasteqîne di nava hikûmet û saziyên bê de dê hikûmeteke demokratîk ku gel tê de serwer be ava bike.

Wî diyar kir: Yekîtiya Niştimanî ya Kurdistanê ji bo xizmetkirina hevwelatiyan ti hewlekê ji dest xwe nade û daxwazên me yên pêkanîna hikûmeta nû dê bibe fakterek ji bo bexteweriya welatiyan. Nêrîna me ji rêveberiyê nêrîneke medenî ye, em dixwazin hikûmet û sazî milkê gel be û xiameta wan de be, em dixwezin ku hemwelatî di karê xwe û meşandina debarê xwe yên rojane de azad bin. Em naxwazin ti kes xwe li ser welatiyan ferz bike û pere û malên wan desteser bike.Desthilatdariya ku em dixwezin desthilatdariyeke demokratî ye.


PUKMEDIA