Talebanî: Divê Herêma Kurdistanê û Japonya pêwendiyên xwe zêdetir pêşbixin

Nivîsgeha Ragihandinê ya Qubad Talebanî

Talebanî û Balyozê nû yê Japonê li Iraqê Akira Indo

Cîgirê Serokwezîr Qubad Talebanî pêşwaziya Akira Indo Balyozê nû yê Japonê li Iraqê kir û di wê hevdîtinê de çawaniya pêşxistina peywendiyên di navbera Japonya û Herêma Kurdistanê û çendîn mijarên din ên balkêş hatin gotûbêjkirin.

Di hevdîtinê de ku roja Çarşemê (26.2.2025) bi amadebûna Arakawa Mikihiro Konsulê Giştî yê Japonê li Herêma Kurdistanê birêve çû, Qubad Talebanî pîrozbahî li Balyozê nû yê Japonê kir û hêvî xwest ku di dema erkê wî li Iraqê de, peywendiyên Herêma Kurdistanê û Japonê zêdetir pêşde biçin. Bi minasebeta bidawîhatina erkê xwe yê li Herêma Kurdistanê xatir ji Konsulê Giştî yê Japonê xwest û hêviya serkeftinê di erkê xwe yê pêşerojê de jê re xwest.

Cîgirê serokwezîr spasiya hemû alîkariyên hikûmeta Japonê bo Herêma Kurdistanê kir, bi taybetî jî di warê cîbicîkirina projeya ava Helebceyê, alîkariya mûzexaneya Silêmaniyê û vegerandina hin berhemên dîrokî bo mûzexaneya Silêmaniyê.

Di hevdîtinê de her du alî tekez li ser pêşxistina peywendiyên di navbera Herêma Kurdistanê û Japonê di warên cuda de kirin û di vê çarçoveyê de, Qubad Talebanî daxwaz ji hikûmeta Japonê kir ku alîkariya Herêma Kurdistanê bike ji bo pêşxistina şarezayên ciwanan di warên teknolojî û kargêrî de.

PUKMEDIA
Gubad Talebanî û Balyozê nû yê Japonê li Ira