Talebanî: Ez kurd im û zimanê min kurdî ye

PUKMEDIA

Qubad Talebanî

Qubad Talebanî ragihand: "Em bejna xwe li ber nivîskar, helbestvan, zimanzan û mirovên xemdar ên ku tevî hemû zext û gefên li ser zimanê me bûne xizmet û pêşxistina zimanê kurdî dikin. “Ez Kurd im, zimanê min ê dayikê Kurdî ye.’’

Cîgirê Serokê Hikûmeta Herêma Kurdistanê Qubad Talebanî bi boneya roja cîhanî ya zimanê dayikê peyamek belav kir û got:“Di Roja Zimanê Dayikê ya Cîhanê de, em bejna xwe li ber hemû nivîskar, helbestvan, zimanzan û kesên ku xizmeta zimanê Kurdî kirine. Tevî hemû zext û gefên li ser zimanê me, ji bo parastina zimanê Kurdî weke nasnameya neteweya xwe, gelek êş û jan û şevên bêxew dîtine û ziman pêş xisitine.”

Her wiha got:“Di vê qonaxê de, ji bo parastina zimanê xwe, divê em wî pêş bixin û piştgiriya wan kesên dilsoz û dilnerm bikin, ku hewl didin zimanê kurdî li gorî zanistên curbicur û guhertinên vê serdemê biguncînin.
Di dawiya peyamê  de got:“Ez kurd im... zimanê min ê dayikê kurdî ye.’'

PUKMEDIA