Artêşa Iraqê qanûn û biryara Dadgeha Federalî binpê dike

PUKMEDIA

Li navçeya Sergeran di navbera cotkarên Kurd û artêşa Iraqê de alozî derket

Cotyarên Kurd li gundê Şenaxeyê yê sinorê Sergeranê guh nadin rêgiriyên artêşa Îraqê û dest bi kêlana zeviyên xwe dikin.

Tevî pejirandina qanûna hilweşandina biryarên serdema Rijêma Baas ji bo bindestkirina erdên çandinê yên cotyarên  Kurd, ev çend roj in ku artêşa Îraqê her li ser rêgirtina li cotyarên Kurd berdewam e ku zeviyên xwe nekêlin, tevî ku niha werzê tovavêtinê ye.
Li gor vîdyoyekê ku ji PUKMEDIA yê re hatiye şandin, îro Yekşemî 17ê Sibata 2025ê, hêzên artêşa Iraqê êrişî kolberên kurd ên ku zeviyên wan diçînin kirin. Leşkerek bi zorê cotkarek dema ku zeviya xwe dikola bi traktora bi zorê dixwaze derbixe.

Cotkarê ku bi traktora xwe re rastî êrîşan hat, got: "Ji bilî kişandina gerdena min, li min xistin, lewma ez ê li dijî hêzê dozê vekim."

Civata Nûnerên Îraqê di civîna roja 21.01.2025ê de her du biryarên hejmar 1018ê ya sala 1982ê û biryara 554ê ya sala 1983ê ya Civata Serkirdetiya Partiya Beis helweşandin, ku zêdetirî 300 hezar donemên erd û milkê welatiyên Kurd û Tirkmen li sinorê parêzgeha Kerkûkê û çend deverên din hatin bindestkirin, herwesa weberhênana erdên çandinê bi Erebên hawirdekirî hatibû dan, lê hilweşandina wan her du biryaran ew zevî ji bo xwediyên wan ên resen ku Kurd û Tirkmen in vegerandin.

PUKMEDIA