YNK: Divê hikûmeta Iraqê rê li destwerdana artêşê bigire

PUKMEDIA

Logoya Yekîtiya Niştimanî ya Kurdistanê

Mekteba Siyasî ya Yekîtiya Niştimanî ya Kurdistanê (YNK) daxwaz ji artêşa Iraqê kir ku rê li destwerdana artêşa Iraqê di dosyeya Kerkûk û gundên derdora wê de bigire û ragihand:“Pêwîste hikûmet fermanê bide yekîneyên artêşê ku bi erkên netewî û destûrî tevbigerin û destwerdana pirsgirêkên navxweyî nekin.’’

Teksta daxuyaniya Mekteba Siyasî:

Yekîtiya Niştimanî ya Kurdistanê (YNK) bang li hikûmeta federal kir ku rê li ber destêwerdana artêşê di mijara axa Kerkûk û derdora gundên wê de bigire û fermanê bide yekîneyên artêşê ku bi erkên xwe yên netewî û destûrî tevbigerin û destêwerdanê di pirsgirêkên navxweyî yên civaka Iraqê û pêkhateyên wê de nekin.

YNK di wê baweriyê de ye ku karê artêşê nebe beşek ji pirsgirêkên navxweyî û çareserkirina pirsgirêkên  zevî û milkî bi bikaranîna nerewa ya hêzê û êrişa ser welatiyan û bi awayekî rast, ti carî bi ser nakeve.

Pirsgirêkên mal û milk çareser nabe, ji ber ku piştgiriya saziyên dewletê, bi taybetî jî artêşa ku ji parastina sînorên welat berpirsyar e, ji bo her kesî ye.

Aliyek di her nakokiyeke navxweyî de pêşaneke metirsîdar e û binpêkirina destûra bingehîn a welat e, her wiha binpêkirina yasayên Encûmena Nûneran ku betelkirina  biryarên yên rêjîma Baasê  a berê li ser milk û zeviyên cotyaran derxistiye.

Em di wê baweriyê de ne ku diyardeya destwerdana  hêzên artêşê ji pirsgirêken  bejahî li navçeyeke hestiyar weke navçeyên nakok yên  Kerkûkê, ne jîngeheke saxlem ji bo danîna yasa û destûrê dabîn dike, lê wê jî aloztir dike.

Mekteba Siyasî Yekîtiya Niştimanî ya Kurdistanê

17-2-2025

PUKMEDIA