Serok Komarê guhertina Qanûna Budçeya Federal pesend dike

Serok komar

Ragihandina Serokkomar

Serok Komar Dr.Ebdul Letîf Reşîd yekemîn yasaya sererastkirina yasaya bûdceya giştî ya federalî ya Komara Êraqê ya salên darayî (2023, 2024, 2025) pesend kir.

Sekreterê Encumena Wezîran Dr. Amanc Rehîm li ser rûpela xwe ya facebookê de ragihand: Serokê Komarê Dr.Ebdul Letîf Reşîd yekemîn yasaya serrastkirina yasaya bûdceya giştî ya federalî ya Êraqê bo salên darayî (2023, 2024, 2025) derbarê hinartina petrola Herêma Kurdistanê û bazarkirina wê bi rêya SOMO û razandina dahata petrolê di xezîneya giştî de pesend kir.

Got jî: qanûn bi weşandina wê di rojnameya Êraqî de dê bikeve warê cîbicîkirinê de, wek ku di maddeya 2 ya serrastkirina yasaya bûdceyê de hatiye. Li gor wê guhertinê, nirxa rastîn a berhemanîn û veguhestina petrola Herêma Kurdistanê her bermîlek (16) dolar hatiye destnîşankirin û ev mîqdar wek pêşanî ji Herêma Kurdistanê re tê dayîn, heta ku nirxa rastîn a berhemanîn û veguhestina petrolê ji her yek ji zeviyên Herêma Kurdistanê bi awayekî cuda ji aliyê dezgehên şêwirmendî yên şareza ve were destnîşankirin, piştî 60 rojan ji cîbicîkirina yasaya budceya giştî ya Federalî.

PUKMEDIA