Parlamenter: Biryara Dadgeha Federal nayê wateya betalkirina her sê qanûnan

Kurdistan 09:19 AM - 2025-02-05

Civîna Encumena Nûneran

Dadgeha Bilind a Federalî biryarek dadwerî derxist ji bo rawestandina cîbicîkirina qanûnên efûya giştî û rewşa kesane û vegerandina milkan ji xwediyên wan re, piştî ku ew di meclîsa nûneran de dengdan li ser dan.

Rawestandin, ne betalkirin

Parlamentera Yekîtiya Niştimanî  ya Kurdistanê Sirwa Mihemed ji PUKMEDIA`yê re ragihand: Piştî gilîkirina li Dadgeha Federalî ya li dijî qanûna lêborîna giştî, dadgehê biryara federalî da ku cîbicîkirina her sê qanûnan bi hev re rawestîne.
Wê got jî: Eger dadgeha federal biryara betalkirina her yek ji wan sê yasayan bide, divê Civata Nûneran li gor lihevkirina fireksiyonên parlemanî dubare deng li ser wê xalê bide, ji ber ku zehmete carek din dengdana li ser her sê yasayan bê dayîn.

Fermana rawestanê nayê wateya betalkirina qanûnan

Biryar Reşîd nûnera fireksiyona Yekîtiya Niştîmanî li Civata Nûneran ji PUKMEDIA re ragihand: Tişta ku Dadgeha Bilind a Federalî derxistiye, biryareke dadwerî ye û tê wateya rawestandina cîbicîkirina wan yasayan, ne betalkirina wan û ev biryar dê rasterast bandorê li rewşa Êraqê û karê hikûmet û civata nûneran bike û tê çaverêkirin ku hewl bo lidarxistina civîna civata nûneran ji bo gotûbêjkirina van pirsên nû hebin.

Di 21ê Çile de, Meclisa Nûneran li ser sê qanûnan deng da: Pêşnûmeya qanûna rewşa kesane ya jimara 188 a sala 1959an, madeyên 2 û 10, pêşnûmeya qanûnên vegerandina mal û milkan ji xwediyên wê re ku bi hin biryarên Encûmena Serkirdayetiya Şoreşê ya hilweşiyayî ve girêdayî ye, û pêşnûmeya yasaya guhertina yasaya duyemîn a qanûna efûya giştî ya jimare 27 a sala 2016an.

Li gorî naveroka fermana dewletê, rawestandina cîbicîkirina van yasayan tedbîrek demkî ye heta ku destûrîbûna wan her sê yasayan û hevahengiya wan bi destûra herdemî ya Êraqê re were destnîşankirin.

PUKMEDIA