Silêmanî mînakek e li dijî maddeyên hişber

PUKMEDIA

Rêzdaran Biryar Reşîd û Litwan Ehmed Zerganî

Rêveberê Giştî yê Karûbarên dij maddeyên hişber û Derûnî ya Iraqê dibêje: Silêmanî mînakek e û di asteke baş de ye di şerê li dijî bazirganiya madeyên hişber de. Ji bo vê yekê jî hemahengiyeke me ya baş ligel wan heye."

Parlamenterê Fraksiyona YNKê di Parlamentoya Iraqê de Biryar Reşîd ji malpera fermî ya Yekîtiya Niştimanî ya Kurdistanê (PUKMEDIA) re ragihand: “Me li gel Rêvebirê Giştî yê Rêveberiya Karûbarên dij maddeyên hişber û Derûnî ya Wezareta Navxwe ya Iraqê Litwan Ehmed Zerganî civiya û çend mijarên ewlehiyê yên navbera Herêma Kurdistanê û Iraqê gotûbêj kirin.''

“Di hevdîtinên me de Rêveberê Giştî yê Rêveberiya dij maddeyên hişber û Derûnî ya Iraqê ji me re got ku parêzgeha Silêmaniyê mînak e û di şerê li dijî bazirganiya madeyên hişber de di asteke gelek baş de ye û hemahengiyeke me ya baş bi hêzên ewlehiyê re heye.’’ Biryar Reşîd wiha dibêje

Endamê Civata Nûneran got:“Di dawiya civînê de her du alî li ser giringiya hemahengiyê ji bo pêşxistina pilan û bername û mekanîzmayên pratîkî ji bo kêmkirina bandorên xirab li ser civakê di pêşerojê de hemfikir bûn.’’

PUKMEDIA