YNK her tim piştgirî daye têkoşîna demokratîk a Kurd li Sûriyê

Civîna şanda YNK û ENKS

PUKMEDIA

Endamê Mekteba Siyasî û Berdevkê Yekîtiya Niştimanî ya Kurdistanê Saadî Ehmed Pîre, îro Sêşemê 28.1.2025 pêşwaziya şandeke Encûmena Niştimanî ya Kurd li Sûriyê (ENKS) bi serokatiya nûnerê Encûmena Niştimanî ya Kurdî li Sûriyê li Herema Kurdistanê ,birêz Cedan Elî kir.

Di civînekê de ku hijmareke endamên civata serkirdayetiya Yekîtiya Niştimanî ya Kurdistanê amade bûn, pêşhatên dawî yên li Îraq, Kurdistan û deverê û bi taybetî rewşa Sûriyayê û peywendiyên di navbera Herema Kurdistanê û Rojavayê Kurdistanê û ji aliyekî ve  çawaniya rûbirûbûna hêz û aliyên siyasî ligel navçeyên rizgarkirî yên di bin destê terorîstên DAIŞê de hatin gotûbêjkirin.

Her du alî li ser pêwîstiya dariştina rewşa siyasî, aborî, leşkerî û îdarî ya pêşerojê  de li Sûriyê bi awayekî ku maf û daxwazên hemû pêkhateyan li Sûriyê bi taybetî mafên rewa yên gelê Kurd li Sûriyê garantî bike hemfikir bûn û tekez kirin ku ev pêwîstî bi yekrêziya rêz, helwest û gotara hêz û aliyên siyasî yên Kurd li Rojavayê Kurdistanê pêk tê.

Ji aliyê xwe ve, Cedan Elî pesna rola Yekîtiya Niştimanî ya Kurdistanê da, ku hertim piştegiriya  têkoşîna demokratîk û rizgarîxwaz a gelê Kurd li Sûriyê dike û amaje bi encamên vê piştgiriya  dîrokî ya Yekîtiya Niştimaniya Kurdistanê kir, ku ji bo yekxistina refên Hêzên Kurdistanî û xurtkirina têkoşîn û hevkariya hevbeş di navbera wan de, bi armanca bidestxistina mafên demokratîk û netewî.

PUKMEDIA