Siyasetmedarê Kurd ê navdar Dr. Mekrem Talebanî koça dawî kir

Pirsename 02:51 PM - 2025-01-24

siyasetmedarê kurd ê dêrîn Dr.Mokerem Talebanî

Sibeha îro Înê, koça dawî ya siyasetmedarê kurd ê dêrîn Dr.Mokerem Talebanî ku temenê 100 saliyê derbas kiribû hat ragihandin, Cenazeyê rihmetî dê li bajarê wî bajarê Kerkûkê were veşartin.

Mokerem Talebanî di sala 1923an de li bajarê Kerkûkê ji dayîk bûye. Di dirêjahiya temenê xwe yê siyasî de roleke berçav di nava tevgera rizgarîxwaza Kurd de lîstiye. Wî di sedsala borî de beşdarî damezrandina Partiya Hêvî bû û navê wî bi qonaxên girîng ên dîroka herêmê ve girêdayî ye.
Li taxa Bertakiye ya Kerkûkê ji dayik bûye û xwendina xwe ya seretayî, navîn û amadehî li heman bajarî qedandiye. Gelek nivîsên wî yên siyasî, edebî û dîrokî hene.

Serok Bafil Celal Talebanî ji ber mirina Dr.Mokerem sersaxî kir

Serokê Yekîtiya Niştimanî ya Kurdistanê Bafil Celal Talebanî bi boneya koça dawî ya siyasetmedarê dêrîn yê kurd Mokerem Talebanî peyameke sersaxiyê şandiye.

Malbata hêja ya Dr.Mokerem Talebanî
Bi xemgînî û êşeke kûr me nûçeya koça dawî ya siyasetmedar û kesayetê navdarê Kurd Dr.Mokerem Talebanî wergirt.
Bi vê boneya xemgîn em sersaxiyê û hevxemiya xwe pêşkêşî we û malbatê dikin û ji Xwedayê mezin hêvî dikin ku cihê rihmetî behest be û sebrê bi we de.

Bafil Celal Talabanî
Serokê Yekîtiya Niştimanî ya Kurdistanê

Buroya Siyasî

Mekteba Siyasî ya Yekîtiya Niştimanî ya Kurdistanê ji ber koça dawî ya siyasetmedarê dêrîn Mokerem Talebanî peyameke sersaxiyê şandiye.

Malbata hêja ya Dr.Mokerem Talebanî
Bi boneya koça dawî ya kesayetiyê neteweyî yê kurd ê Êraqê Dr.Mokerem Talebanî, sersaxiyê û hevxemiya xwe pêşkêşî we û hemû dost û hevalên wî yên navxwe û derveyî welat dikin.

Em ji Xwedayê mezin hêvî dikin ku sebir û sebrê bide we û cihê wî behest be.

Buroya Siyasî
Yekîtiya Niştimanî ya Kurdistanê 

PUKMEDIA