Donald Trump wek 47emîn serokomarê Amerîkayê sond xwar

Trump wek 47emîn serokomarê Amerîkayê sond xwar

Getty Images

Li Baregeha Kongressê ya li Washingtonê, Donald Trump, wek 47emîn Serokê Amerîkayê sûnd xwar.

Donald Trump îro Duşemê 20.1.2015an di merasîmekê de sûnd xwar, ta ku ji bo heyamek 4 salan û li şûna Joe Biden, bibe 47emîn Serokê Amerîkayê.
Li Washingtonê merasîma sondxwarinê ya Donald Trump bi tevlîbûna bi hezaran kesan pêk hat.

Trump sond xwar û got, “Ez sond dixwim ku ez dê bi dilsozî erkê xwe yê serokatiya Amerîkayê pêk bînim û destûra dewletê biparêzim û bi cih bînim”

Trump di gotara xwe ya piştî sûndxwarinê de got: “Ez ê Amerîkayê bibim pêş û serweriya Amerîkayê biparêzin.”

Herwiha got: “Îro destpêka serdema zêrîn a Amerîkayê ye. Ji îro ve hemû welat dê rêz li me bigire.” 

Serokê nû yê Amerîkayê got: “Em ê dawî li bikaranîna desthilata dadweriyê wek çekekî siyasî bînin.”

Amaje bi wê jî kir: “Hikûmetek me ya niha, nikare biçûktirîn qeyranê jî çareser bike û berevaniyê li sînorên welatên din dike û hikûmeta nihe nikare sînor û xelkê Amerîkayê biparêze.”

Herwiha Trump da zanîn, ew Amerîka bihêztir û xweşguzartir dike û got: “Divê gelê Amerîkayê bi xwe serbilind be.”

Trump di hilbijartinan de li hemberî namzeda Demokratan Kamala Harris bi ser ketibû û 270 delegeyên hewce bi dest xistibû.

Di merasîmê de endamên malbata Trump û rayedarên bilind ên dewletê amade bûn.

Hêjayî gotinê ye ku Trump berê jî di navbera salên 2016-2020’an de serokatiya Amerîkayê kiribû.


PUKMEDIA