YNKê: Daxwaza Herêma Kurdistanê dê ji Bexdayê re were şandin

PUKMEDIA

Harem Kemal Axa

Piştî çar saetan civîna di navbera hikûmeta Herêma Kurdistanê û berpirsê Fraksyonên  û wezîrên Kurdistanî li Bexdayê bi dawî hatin û Serokê Fraksiyona YNKê jî got: “Di civînê de biryar hat dayîn ku Kurd bi yekdengî daxwaza mafên xwe yên salan bê bikin, divê hikûmeta Iraqê pişka Herêma Kurdistanê bişîne, ne ku mûçeyan bişîne.Serokê Fraksiyona YNKê got:“Biryarên civînê dê di çarçoveya daxwazê de pêşkêşî hikûmeta Iraqê û aliyan bê kirin û helwesta Kurdistanê jî bi zelalî derbarê mafên wan de bê ragihandin.

Ji bo parastina mafên Kurdan yekîtî pêwîst e

Serokê Fraksiyona YNKê li Parlamentoya Iraqê Harem Kemal Axa ji malpera fermî ya Yekîtiya Niştimanî ya Kurdistanê (YNK) PUKMEDIA re ragihand:“Hikûmeta Herêma Kurdistanê û beşek ji serkirdeyên fraksyonên Kurdistanî yên li Bexdayê tekez li ser wê yekê kirin ku divê kurd li Bexdayê yekrêz bin, bi taybetî li ser mafên gelê Herêma Kurdistanê.’’

Herem Kemal Axa got: “Hemû hevbîr bûn ku bûdce di berjewendiya gelê Herêma Kurdistanê de mûçe garantî bike û her madeyeke bûdceyê ku were guhertin, guh bide daxwazên kurdan.’’

Pirsgirêka parê herêmê di sala pêş de

"Hikûmeta Herêma Kurdistanê daxwaz ji hikûmeta Iraqê kiriye, bûdceya sala 2025ê ji Herêma Kurdistanê re bişîne, ne mûçe, ji ber ku li gorî destûrê Herêma Kurdistanê pêkhateyeke destûrî ye û divê weke herêmeke Iraqê bê nirxandin."

“Li gor raporta Wezareta Darayî, hikûmeta Iraqê %7 wek pişka herêmê şandiye, lê li gorî serjimêriya herî dawî ya nifûsa Iraqê ku par li Iraqê hatiye encamdan, hejmara rûniştvanên herêmê zêdetirî %14 e ji nifûsa giştî Iraqê .”

Herêma Kurdistanê daxwaza vegerandina hinartina petrolê dike

“Yek ji mijarên din ên girîng ên civînê jî mijara hinartina petrola Herêma Kurdistanê bû.Pêwîste hikûmeta Iraqê lezê bide hinartina petrola Herêma Kurdistanê, ku dê ziyanên Iraqê ji hinartina petrolê kêm bike û dikare mafên darayî yên herêmê li gorî mafên xwe misoger bike."

Wî got: “Ne şandina dahata navxweyî bo Iraqê bi wê yekê ve girêdayî bû ku hikûmeta Iraqê erkên xwe li hember Herêma Kurdistanê cîbicî nekir.Herêma Kurdistanê dahat li ser kêmbûna mûçe xerc kiriye. Bi baweriya me ne tenê li Bexdayê, li Herêma Kurdistanê jî yekrêziya di navbera partiyan de girîng e, daku di dawiyê de yekrêziya Kurdan li Bexdayê derbikeve."

PUKMEDIA