Dijî terorê çend terorîstên DAIŞê girtin

PUKMEDIA

Logoya dij-terorîzmê

Di operasyoneke berfireh a istixbaratî de, Rêveberiya Giştî ya Dijî Terorê karî hejmarek ji terorîstên DAIŞê li Şarezûr desteser bike, ew operasyon piştî çavdêrî û şopandina nêzîk hat encamdan.

Rêveberiya Giştî ya Têkoşîna Dijî Terorê di daxuyaniyekê de ku ji PUKMEDIA re hatiye şandin de wiha got: “Gûmanbarên  hatine desteserkirin xelkê parêzgeha Selahedînê ne û di dema serweriya rêxistina terorîst a DAIŞê de li cihên cuda de kar kirine.’’

Her wiha tê destnîşan kirin: “Hêzên antî-terorê di operasyoneke bilez û bê zerar de gumanbar desteser kirin û ji bo proseya qanûnî radestî dadgeha taybet kirin.’’

Di daxuyaniyê de wiha hat gotin: “Rêveberiya Giştî ya Dijî Terorê tekezî li ser wê yekê dike ku dê operasyonên xwe yên girtin û jinavbirina hemû terorîst û şaneyên razayî yên DAIŞê li seranserê Iraq û Herêma Kurdistanê berdewam bikin.’’

PUKMEDIA