El-Beçarî: Berfirehkirina qedexeya firokexaneya Silêmaniyê biryareke siyasî ye

Kurdistan 12:07 PM - 2025-01-08

Firokexaneya Silêmanî

Hikûmeta Tirkiyê bêyî hinceteke qanûnî û teknîkî biryara dirêjkirina qedexeya asmanî li ser firokexaneya Silêmaniyê 6 mehên din jî da, Komîteya Gihandin û Ragihandinê ya Parlamentoyê tekez dike ku ev biryar siyasî ye.

Biryar siyasî

 

Seroka Lijneya Veguhestin û Ragihandinê ya Parlamentera Parlamentoya Êraqê Zehra El-Beçarî di daxuyaniyeke taybet de ji PUKMEDIA re ragihand: Sepandina qada qedexekirina firînê li ser firokexaneya Silêmaniyê biryareke siyasî ye û ev ne cara yekê ye ku firokexane tê cezakirin. lê mixabin hikûmeta federal û dezgeha firokevaniya sivîl a Êraqê ti helwest negirtin.

Herwaha got: Eger balafirek ku ber bi Firokxaneya Hewlêrê ve diçe xirab bibe Xwedê neke, yan jî pirsgirêkek din rû bide, dikare li firokexaneya din dakeve û nêzîktirîn firokexane ya Silêmaniyê ye, lê ev biryar niha nahêle ti firoke li Silêmaniyê dakeve û ev dibe sedema pirsgirêkek mezin.

Divê Wezareta veguhastinê mijarê zelal bike

 

Parlamenter Zehra El-Becarî dibêje: Wezîrê Veguhestinê Binkîn Rîkanî ku ji aliyê Serokwezîrê Federalî ve ji bo birêvebirina Rêveberiya Firokevaniya Sivîl a Êraqê hatiye erkdarkirin, divê sedemên vê biryarê eşkere bike.
Wê got jî: Fermangeha Firokevaniya Sivîl a Êraqê wek desthilateke navendî ya federalî, divê rola xwe di çareserkirina pirsgirêka qedexekirina firokexaneya navdewletî ya Silêmaniyê de bilîze, ji ber ku ev qedexe ne tenê ziyanê digihîne Silêmaniyê, belkî ziyanê digihîne hinardekirina Êraqê jî, ji ber ku firokexaneya Silêmaniyê firokexaneyeke Êraqî ye û di bin desthilata Rêveberiya Firokevaniya Sivîl a Êraqê de ye.

Qedexe peymanên navneteweyî binpê dike

 

Fireksiyona Yekîtiya Niştimanî ya Kurdistanê li Civata Nûneran di daxuyaniyekê de ku gihîştiye PUKMEDIAyê ragihand: Biryara dirêjkirina qedexeya firokexaneya navdewletî ya Silêmaniyê biryareke siyasî ye.
Navbirî her wiha got: Ev biryar tu hinceteke yasayî, teknîkî, xizmetguzarî û ewlehî nîne û binpêkirina hemû peyman û pirensîpên navdewletî di warê firokevaniya sivîl de ye.
Di daxuyaniyê de wiha hat gotin: Em ji bêdengiya hikûmeta federal û hikûmeta Herêma Kurdistanê nîgeran in û daxwaz ji wan dikin ku helwesta xwe diyar bikin û gavên ku di van du salên borî de ji bo çareserkirina vê pirsgirêkê avêtine zelal bikin, tevî ku gelek Komîteyên parlamento û hikûmetê serdana Firokexaneya Silêmaniyê kirine û bi raportên xwe îsbat kirine ku firokexaneya Silêmaniyê ti pirsgirêkeke ewlekarî û xizmetguzarî û yasayî nîne.

PUKMEDIA