YNK û PDK dê bicivin

PUKMEDIA

Şanda YNK û PDKê li Pîrmamê dicivin

Yekîtiya Niştimanî ya Kurdistanê (YNK) û Partiya Demokrata Kurdistanê (PDK) ji bo avakirina hikûmetê û vekirina parlamentoya Kurdistanê vê hefteyê careke din dicivin.

Jêderekî di nav şanda YNKê ya bo hevdîtina ligel aliyên siyasî ji malpera fermî ya Yekîtiya Niştimanî ya Kurdistanê (PUKMEDIA) re ragihand:’’Biryare di rojên pêş de Yekîtiya Niştimanî ya Kurdistanê (YNK) û Partiya Demokrata Kurdistanê (PDK) ji bo avakirina hikûmetê û jinûve aktîfkirina parlamentoya Kurdistanê bicivin."

Çavkaniya han eşkere kir ku, ev civîn berferehkirina civînên berê yên her du aliyan e û behsa çawaniya pêkanîna hikûmeta nû û damezrandina Parlementoya Kurdistanê hate kirin û her wiha behsa rewşa niha ya Herema Kurdistanê , Îraq û deverê hate kirin.

YNK û PDK pêştir 30-11-2024 li Silêmaniyê û 17-12-2024 li Pîrmamê civiyan û her du alî li ser amadekirina bernameyeke hevbeş ji bo qonaxên bê yên Herêma Kurdistanê, ji bo parastina pêgeh û aramiyê li hev kirin ji bo ku  li herêma Kurdistanê , maf û berjewendiyên hemwelatiyan û hemû pêkhateyan pêk bê û biryareke din ya civînê jî pêkanîna komîteyeke hevbeş bû ku bicive. Divê pêşerojê de  li ser amadekirina reşnivîsa bernameya ku hatiye danîn bixebitin.

PUKMEDIA