Karmand li benda 2 mûşeyên sala borî ne

PUKMEDIA

Pereyên Êraqî

Karmendên Herêma Kurdistanê li benda wergirtina mûçeyên du mehên sala borî ne ku biryar bû di nêzîka sala nûh de werbigrin.

Îro 1/1//2025 Herêma Kurdistanê bi kêşe û qeyrana mûçeya darayî ve hate sala nûh, her çend wezareta Darayî ya Êraqê 631 milyar dînar ji bo mûçeyên meha Mijdarê yên karmendên Herêma Kurdistanê şand lê Herêm li bendê bû ku temamkirina mûçe were şandin bû, ti dahateke navxwe ji bo dagirtina wê kêmasiyê zêde nebû, lewma mûçeyên du mehên dawî ên sala 2024ê nehatin dabeşkirin.

Li gorî çavkaniyekê ji Hikûmeta Herêma Kurdistanê ku li ser daxwaza wî navê wî nayê eşkerekirin, berî niha ji malpera fermî ya Yekîtiya Niştimanî ya Kurdistanê PUKMEDIA re gotibû; Ji bo dabeşkirina mûçeyên meha Mijdara sala borî sê bijardeyên Herêmê hebûn, 2 ji wan şandina pereyan ji Bexdayê bû û bijardeya sêyem jî ew bû ku kêmasiya mûçeyê ji dahata navxwe ya Silêmanî, Hewlêr û Duhokê dabîn bike. Lê hikûmeta Herêma Kurdistanê ti yek ji van bijardeyan ji bo dagirtina kêmbûna mûçeyên pêk neanîn, lewma dabeşkirina mûçe ket sala nû.

Di vê navberê de, her çendî gotegot hebûn ku Wezîrê Darayî yê êraqê Tayf Samî îmzeya xwe bo şandina mûçeyê meha Mijdarê îmze kiriye, lê ev gotegot ne rast in û mûçeyên mehên 11, 12 ya sala 2024ê yên sala borî nehatine dabeşkirin.

Li gor daxuyaniya Wezareta Darayî, Hikûmeta Herêma Kurdistanê ji bo dabeşkirina mûçeyên mehane pêwîstiya wan bi 996 milyar dînar heye, lê heta niha darayî ya Êraqê tenê 631 milyar dînar wek mûçeyê meha Mijdarê şandiye herêmê, 365 milyar kêmbûn heye.

PUKMEDIA