Kurd li Sûriyê dê mafên xwe bi dest bixin û dike armenceke baş

Kurdistanî Nwê

ihemed Emîn Pencwênî, lêkolîner û şirovekarê siyasî

Paşeroja Sûriyê piştî rûxana rêjîma Beşar Esed û hatina Ehmed Şera (Ebû Mihemed El-Colanî) û Eniya Rizgariya Şam bo ser desthilatê ne diyar e. di nav wê de jî ya girîng ji bo kurdan ew e ku gelo li Sûriyê mafên wan tên parastin yan na û partiyên kurdî dê karibin bi yek deng û reng bi hikûmeta nû re danûstandinan bikin? Siyasetmedar Mihemed Emîn Pêncwênî di hevpeyvînekê de ligel Kurdistan New Dijîtal Media bersiva hinek ji van pirsan dide.

Hevpeyvîn- Kurdistan New
Rewş hê jî aloz e
Mihemed Emîn Pencwênî, lêkolîner û şirovekarê siyasî derbarê rewşa Sûriyê û rêkeftina partiyên kurdî dibêje: Rewşa Sûriyê hîn aloz e û heta niha Kurd li ser bernameyekê û çawaniya danûstandinan ligel Şamê û Desteya Tehrîr Şam li hev nekirine.

Gelek hewl hene ku partiyên cuda yên kurdî li Sûriyê bibin yek û bi heman kom û bernameyê biçin Şamê Colanî û koma wî re biaxivin.

Pêşeroja Rojavayê Kurdistanê

 Pêncwênî geşbîniya xwe bo paşeroja Rojavayê Kurdistanê nîşan da û got:Ez geşbîn im ku hewldanên Tirkiyê yên ji bo têkbirina yekrêziya partiyên Kurdistanî bi ser nekevin, ez li ser paşeroja Rojavayê Kurdistanê jî geşbîn im û ez di wê baweriyê de me ku kurd wê bi hevre bi yek deng biçin bi hikûmeta nûh a Sûriyê re rûnin bo çareserkirina pirsgirêka kurd li wir.

Bi hezaran qurbanî dane
Tekez kir ku tevî ku rewş hîn aloz e û destêwerdan ji hemû aliyan ve heye, lê ez geşbîn im ku serkeftin wê ji bo hêzên Kurdî be, ku bi hezaran qurbanî dane, da ku doza Kurd û mafên wê li Rojavayê Kurdistanê bigihe encameke baş.

Ji bo yekîtiyê têdikoşin
Pêncwênî got: Gelek hewl hene bo yekxistina aliyên Kurdî li Sûriyê û bi yek girûp û yek bernameyê biçin Şamê û bi Colanî û girûpa wî re biaxivin, bi taybetî ku niha hikûmet û rêveberiya Sûriyê kontrol dikin.

Yek deng û yek reng
 Diyar kir û got: Mixabin heta niha aliyên Kurdî li hev nekirine, lê gelek hewlên di vî warî de hene ku sardana Şamê bikin û bi wan re li ser pirsa Kurd û çarenivîsa pirsgirêka Kurd li Rojavayê Kurdistanê danûstandinan bikin.

Destwerdana derve
Şirovekarê siyasî tekez kir ku: Dewleta Tirk hemû dezgehên xwe yên leşkerî, îstixbaratî û îdarî bi kar tîne da ku hewldana yekbûna Kurdan têk bibe û nehêle ku partiyên Kurd biçin Şamê.

PUKMEDIA/ Kurdstanî Nwê