Sûdanî: Vedîtina gorên komî belgeya hovîtiya rejîma Baas e

Ajans

Serokwezîrê Iraqê Mihemed Şîa Sûdanî

Serokwezîrê Iraqê li ser dîtina goreke komî ya nû ya zarok û jinên kurd li Semawayê got: “Dîtina goreke komî ya nû ya gelê me yê Kurd, tevî ku bi salan hovîtiya rejîma Baasê ji holê rabûye, asta hovîtiya ku gelê me di bin desthilatdariya dîktatoriyê de kişandiye nîşan dide.

Serokwezîrê Iraqê Mihemed Şîa Sûdanî daxuyaniyek da:“Tevî sal bi sal zilm û zordariya rejîma Baasê li ser gelên Iraqê, roj bi roj belgeyên tawanên hovane yên rejîma berê eşkere dibin û asta hovîtiya ku gelê me di bin desthilata dîktatoriyê de tûşî wan kiriye, vedibêje.’’

“Dîtina goreke komî ya nû ku termên zarok û jinên gelê me yê Kurd tê de ne, li çolên Semawayê, karwaneke bi xwîn û têkoşîna me, bêbextî û windabûna me tîne bîra me, ku gelê me di bin hovîtiya rejîma nijadperest de êş kişand. "Sudanî dibêje.

Serokwezîrê Iraqê her wiha got:“Silav li ser ruhê şehîdên Iraqê, şehîdên zulmê û qurbaniyên hovîtiya dîktatoriya gemar.

Nûnerê Germiyanê: Spas ji bo dilsozî û xemsariya serokwezîr

Nûnerê Herêma Germiyan li Parlamentoya Iraqê ji Fraksiyona YNKê Karwan Yarwais spasnameyek ji Serokwezîrê Iraqê re şand û got: "Em spasiya Serokwezîrê Iraqê Mihemed Şîa Sûdanî dikin ji bo sersaxî ji gelê Kurd re ji ber dîtina goreke komî ya jin û zarokên Kurd li biyabana Semawayê."

“Her wiha em daxwaz dikin ku mûçeyê mîrateyên şehîdên Kurdistanê, qurbaniyên Enfalê û girtiyên siyasî weke ya hikûmeta federal be.

Karwan Yarwais got, divê nûnerên welatan û rêxistinên navdewletî bo biyabana Semawayê werin vexwendin da ku bibin şahidê vê tawana şokedar."

PUKMEDIA