Serok Bafil: Nabe ku pevçûn bandorê li jiyana mirovan bike

Ofîsa çapemeniyê ya Serok Bafil

Serok Bafil û Mihemed Helbûsî

Serokê Yekîtiya Niştimanî ya Kurdistanê (YNK) Bafil Celal Talebanî û Serokê Partiya Teqedûm Mihemed Helbûsî li Bexdayê civiyan.

Di civînê de ku endamê mekteba siyasî Nizar Amêdî jî tê de amade bû, behsa yekxistina hewlên niştimanî ji bo çareserkirina pirsgirêkên di navbera Hewlêr û Bexdayê de, bi taybetî pirsgirêkên li ser pirsa mûçe û mafên Herêma Kurdistanê hate kirin.

Her wiha di civînê de rewşa Rojhilata Navîn bi taybetî Sûriyê hate gotûbêjkirin û daxwaz ji hemû aliyan hate kirin ku bi stratejiyeke niştimanî ya hevbeş bi hev re kar bikin ji bo parastina ewlehî û aramiya Iraqê û rêgirtin li aloziyên navçeyê ku bandorê li Iraq û jiyana xelkê wê bike.

PUKMEDIA