Hikûmet dê di nava hefteyekê de mûçe parve bike

PUKMEDIA

Diravê Iraqê

Wezareta Darayî û Aborî ya Hikûmeta Herêma Kurdistanê bernameya mûçeyê meha Cotmehê eşkere kir. Di nava şeş rojan de mûçe dê bên parvekirin.

Wezareta Darayî û Aborî ya Hikûmeta Herêma Kurdistanê daxuyaniyek belav kir ,ku wêneyekî bo PUKMEDIA hatiye şandin hat ragihandin:’’ Bernameya parvekirina mûçeya meha Cotmehê di hêla Hikûmeta Herêma Kurdistanê (KRG) erê bû.Parvekirina mûçeya meha Cotmehê roja sêşemê (17/12/2024) dest pê dike û roja duşemê (23/12/2024) bidawî dibe.

Di vê navberê de, Wezareta Darayî jî çend şîroveyên xwe belav kirin û wiha ne:
* Pereyê ku ji bo dagirtina kêmasiya mûçe hatiye terxankirin hêj neçûye hesabê bankayê yê wezareta me.

* Pereyê mûçeyê meha Mijdarê ku ji aliyê Wezareta Darayî ya Iraqê ve hatiye diyarkirin, heta niha li hesabê me yê bankê nehatiye razandin.

* Her karmendê ku heta niha di sîstema biyometrîk de tomar nekiriye, mûçeyê wî li ofîsa wî tê rawestandin heta ku di nava çend rojên dawî yên salê de koda biyometrîk were çêkirin, piştre dê mûçeyê wî were dayîn.

PUKMEDIA