Qubad Talebanî: Hewldanên me bo zêdetir xizmeta welatiyan bikin

Nivîsgeha Ragihandinê yê Qubad Talebanî

Komcivîna Qubad Talebanî di gel berpirsên Derbendîxanê

Cîgirê Serokwezîr Qubad Talebanî serdana navçeya Derbendîxan kir û bi qaymeqam û berpirsên yekeyên îdarî yên navçeyê re civiya.

Di civîna roja yekşemê 15/12/2024 de, liser rewşa xizmetgozariyê li navçeya Derbendîxan û pirsgirêk û kêmasiyan hatin gotûbêjkirin, û di wê derbarê de Talebanî got: Em li gel tîm û berpirsên Derberndîxanê her li ser xetin û peywendîdarin û hemû hewlê didin ku pirsgirêk bên çareserkirinû xizmeta baştir ji navçeyên re bikin.

Herwiha Cîgirê Serokwezîr daxwaz ji berpirsên navçeyê kir ku hemû tedbîrên pêwîst bo asankirina karûbarên welatiyan bigirin û got jî: Ji bo xizmetkirina baştir ji rûniştvanên Derbendîxanê, dê guhertinên pêwîst di postên îdarî yên navçeyê de bên kirin.

Piştre qaymeqam û berpirsên îdarî yên navçeyê, raportek li ser pirojeyên ku di serî de ji daxwazên welatiyên herêmê ne, pêşkêş kirin û ji aliyê xwe ve cîgirê serokwezîr tekez li ser wê yekê kir ku ew dê şopdarê cîbicîkirina van daxwazan bin.

Di dawiyê de Qubad Talebanî amaje bi wê yekê jî kir ku du rêya Kelar - Derbendîxan dê di destpêka sala bê de temam bibe û bi temamî ji şofêran re were vekirin, ku ev yek ji daxwazên girîng ên navçeyê ye û got; Ji bo çareserkirina vê pirsgirêkê ku yek ji daxwazên welatiyan e, dê di demek nêzîk de kar li ser projeya tora ava Derbendîxan bê kirin.

Wî balkişand li ser wê yekê ku divê zêdetir giringî bi geştûguzariyê bê dayîn û sermayedaran teşwîq biin da ku di vê sektorê de veberhênanê bikin da ku li gorî pêwîstiyê pêş bikevin û derfetên kar ji nişteciyên herêmê re peyda bikin.

PUKMEDIA