Emar El Hekîm: Me baldariyek mezin ji rêveberiya Kerkûkê bo xizmetkirina welatiyan dît

Nivîsgeha Ragihandinê yê parêzgarê Kerkûkê

Emar Hekîm li gel rêveberiya Kerkûkê

Rêzdar Emar El Hekîm Serokê Tevgera Hikmeta Niştimanî îro Çarşemê gihişte parêzgeha Kerkûkê û ji aliyê Mihemed Îbrahîm Hafiz Serokê Encûmena Parêzgeha Kerkûkê, Rêbwar Taha parêzgarê Kerkûkê û endamên Encûmena Parêzgeha Kerkûkê ve hat pêşwazîkirin.

Birêz Ammar El-Hekîm di konfranseke rojnamevanî de ku ji aliyê PUKMEDIA yê ve hat lidarxistin de got: Em îro bi kêfxweşî serdana parêzgeha Kerkûkê dikin ku bajarê pêkvejiyan û biratiyê di navbera hemû pêkhateyan de ye.

Got jî: Me civîneke baş li gel parêzgarê Kerkûkê û civata parêzgehê pêk anî û em ji asta xizmetguzarî ya parêzgarê Kerkûkê agahdar bûn, em hêvîdar in hikûmeta herêmê ya Kerkûkê hikûmeta xizmetguzarî be di pêkanîna erkên xwe de serkeftinê ji wan re dixwazin.
Herwaha diyar kir: Kerkûk Êraqeke biçûk e û milkê hemû pêkhateyane û em bi girîngiyeke bilind li pêkvejiyana li wir dinirin û em kêfxweûin ku parêzgeh ber avadankirinê ve çûye.

Birêz Emar El-Hekîm got: Em li ber sala nû ne û emê kar bikin bo amadekirina nexşeyên nû yên bûdceyê, û emê kar bikin ku hemû dahatên darayî bo hemû parêzgehan wek hev bin û bi parêzger re li ser aktîvkirina van projeyan axivî, û em kêfxweş in ji ber ku em dibînin ku rêveberiyek heye ku guhdariya welatiyan dike û ji bo çareserkirina pirsgirêkên wan kar dike.

PUKMEDIA