Opozisyon derbasî Şamê bû û dibêje wê sivîlan biparêze

Ajans

Sûriyê

Di 12emîn roja operasyonên leşkerî de, opozîsyona Sûriyê ragihand ku wan dest bi ketina nav paytexta Sûriyê Şamê kiriye, piştî çend demjimêran ku ew derbasî bajarê Humsê bûne, wê got ku wan avahiya radyo û televizyoê kontrol kiriye, di demekê de ku Reuters li ser zarê berpirsên Sûriyê "asta bilind" ragihand ku Serok Beşar el-Esed ji paytextê ber bi cihekî nediyar ve çû.

Opozisyonê pêştir ragihandibû ku ji aliyê bakur û rojhilat ve derbasî bajarê Humsê bûne, hevdem ligel derketina bi dehan otombîlên artêşa Sûriyê ji wî bajarî, Reutersê jî ragihandibû ku fermandarên artêşê û ewlehiyê bi helîkopteran ji navenda leşkerî ya Şeyrat li gundewarê Humsê derketin ber bi peravê.

Rojnameya The Economist a Brîtanî ragihand ku ev çend rojin Serok Esed nehatiye dîtin, ev jî nîşan dide ku wî dixwest şer bike, lê kesî nexwest ji bo wî şer bike.
Wekîlê emîndarê giştî yê Neteweyên Yekbûyî ji bo Karûbarên Mirovî got ku divê hemû aliyên Sûriyê erkên xwe yên parastina sivîlan pêk bînin.
Rayedarê Netewên Yekbûyî amaje bi wê yekê jî kir, ku divê hemû aliyên Sûriyê rê bidin kesên ku reviyane, bi awayekî ewle û xwebexş vegerin. Herwiha bang li hemû aliyên Sûriyê kir ku jêrxana sivîlan biparêzin.

Ji aliyê xwe ve Şêwirmendê Asayişa Niştimanî ya Amerîkayê Jake Sullivan nerihetiya zêde ya Washingtonê li hember pêşhatên rewşa Sûriyê nîşan da. Ev yek di dema beşdarbûna wî di Foruma Parastinê ya ku li Kalîforniyayê hat lidarxistin de hat, ku tê de tekez kir ku pêşhatên heyî yên li Sûriyê "sedema nîgeraniyê ne.
Şêwirmendê Asayîşa Netewî ya Amerîkayê Jake Sullivan tekez kir ku Amerîka destwerdana leşkerî di şerê navxweyî yê Sûriyê de nake û tekez kir ku divê paşeroja wî welatî ji aliyê gelê Sûriyê bi xwe ve were diyarkirin.

PUKMEDIA