Îro rûniştina yekê ya Perlemana Kurdistanê hat lidarxistin

PUKMEDIA

Perlemana Kurdistanê

Rûniştina yekê ya gera şeşê ya Perlemana Kurdistanê îro (Duşem, 02.12.2024) bi rê ve çû. Li dû karnameyê, ew rûniştin berî nîvro hat  destpêkirin û Serokê Dîwana Perlemanê Erdelan Mihemed Serspî ev  rûniştin bi rê ve bir. Her wiha paştir jî kandîdên nûhilbijartî ji aliyê Serokê Perlemanê ve ji bo sondxwarinê hat gazîkirin.

Ev ji bo cara yekê ye li gera şeşê ya Perlemana Kurdistanê berî destpêkirina karî ya kandîdan, Senterê Lêkolînê yê Perlemanê rêbereke karî ya Perlemanê parve dike, ji bo şarezabûna endamên Perlemanê li ser karê Perlemanê û karê qanûndananê. Her wiha lijneyek jî ji bo pêşwaziya kandîdên nûhilbijartî hate pêkanîn.

Li dû peyrewê navxwe yê Perlemanê, di rûniştina yekê de biemirtirîn serok dikare deriyê xwekandîdkirinê ji bo Desteya Serokatiya Perlemanê veke.

Karnameya Perlemana Kurdistanê ji çar bendan pêk tê:

Yek: Vekirina wê rûniştinê bi çend ayetên Qurana pîroz.

Du: Deqîqeyek rawestiyan wekî rêzgirtin li canê pakij ê şehîdên Kurdistanê.

Sê: Gazîkirina biemirtirîn kandîdê amadebûyî ji kandîdên nûhilbijartî yên gera şeşê ya hilbijartinên Perlemana Kurdistanê ji aliyê Serokê Dîwana Perlemanê ve, ji bo sondxwarin û birêvebirina wê rûniştinê; li dû hikmê benda duyê ya madeya 11ê û benda yekê ya madeya 12ê ji peyrewê navxwe yê Perlemanê.

Çar: Serokê rûniştina yekê ya gera şeşê ya Perlemana Kurdistanê kandîdên nûhilbijartî ji bo gera şeşê ya Perlemana Kurdistan - Îraqê ji bo sondxwarina qanûnî gazî dike, li dû hikmê benda duyê ya madeya 12ê ji peyrewê navxwe yê Perlemana Kurdistanê. Paşî ew rûniştin ji aliyê serokê rûniştina yekê ve li dû hikmê madeyên peyrewê navxwe yê Perlemana Kurdistanê tê birêvebirin.

Yekîtiya Niştimanî ya Kurdistanê (YNK) di hilbijartinên şeşemîn ên Parlamentoya Kurdistanê de,20ê Cotmeha 2024an de 23 kursî bidest xist ku ji wan 15 kursî li Silêmaniyê, 6 kursî li Hewlêrê, 1 kursî li Duhokê û kursiyek jî li Helebceyê.

PUKMEDIA