Hikûmeta Herêmê bersiva zavayê Sedam Husên dide

Ajans

Cemal Mistefa Sultan, zavayê dîktatorê jinavçûyî yê Sadam Husên

Rojnameya (Şerq El-Ewsat) ya Siûdî bi Cemal Mistefa Sultan, zavayê dîktatorê yê ji navçûyî Sedam Husên û sekreterê wî yê duyemîn re hevpeyvînek encam da; KU têde pêşkêşkar derbarê çend mijaran pirsiyar kir,yek ji wan pirsan kîmyabarana Helebce bû ku zavayê Sedam red dike ku Sedam û rejîma wî bajarê Helebce bombebaran kiribe; her weha dibêje; belge di destên min de hene ku beriya demekê Mesrûr Barzanî; Serok Wezîrên Herêma Kurdistan`ê amaje bi wê yekê kiribû ku beriya bombebarana Helebce ji aliyê firokeyên rêjîma Be`is ve 2 firokeyên Îranî ew bajar bombebaran kiribû.

Piştî belavbûna hevpeyvîna zavayê Sedam Husên; Nivîsingeha Ragihandina Serokê Hikûmeta Herêma Kurdistan`ê yekser daxuyaniyek belav kir û têde got: Kesek bi nave Cemal Mistefa Tikrîtî ku zavayê dîktatorê berê yê Êraq`ê ye di hevpeyvînekê de digel rojnameya (Şerq El Ewset) kîmabarana helebce înkar kir ku ji aliyê rêjîma berê yê Êraq`ê ve hatibe encamdan; ji bo ve yekê jî bi belge behsa gotinên çêkirî yên Serokwezîr Mesrûr Barzanî dike ku gotibû: (2 firokeyên Îranî Helebce kîmyabaran kiribû; Nivîsîngeha Serok Wezîriyan nivîsandiye ku çi bingeheke vê daxuyaniyê nîne û ew yek çêkirî ye; û Serok hikûmetê  çi caran daxuyaniyeke bi vî awayî belav ne kiriye.

PUKMEDIA