Komisyon encamên hilbijartinên Parlamentoya Kurdistanê pesend dike

PUKMEDIA

Komisyona bilind a hilbijartinan

Komisyona Bilind a Serbixwe ya Hilbijartinan ragihand ku di vê hefteyê de wê encamên hilbijartinan werin pesendkirin.
Berdevka komisyonê Cumane Gelayî di daxuyaniyekê de ji PUKMEDIA re ragihand ku di yekem civîna encumena komsyonên komisyona bilind de wê encamên hilbijartinan were pesendkirin.

Got jî: Îhtîmal e îro Yekşemê, civata komisyonan ji bo pesendkirina encamên hilbijartinên 2024ê yên Parlamentoya Kurdistanê civînekê li dar bixe.
Ev gav piştî wê yekê tê ku Komisyonê di 18/11/2024ê de ragihand, hemû giliyên têkildarî encamên hilbijartinên Parlamentoya Kurdistanê ji aliyê desteya dadwerî ve hatine çareserkirin, ji ber ku piştrast kir ku hemû gilî hatine redkirin.
Roja 20/10/2024ê, hilbijartinên şeşemîn rûniştina parlamentoya Kurdistanê li çar bazneyan birêve çû û encamên dawî jî di 30/10/2024an de hatin ragihandin ku Yekîtiya Niştimanî ya Kurdistanê li her çar bazneyan serkeftinên mezin bi dest xist, hejmara deng û kursiyên wê zêde bû û 23 kursî bi dest xist.


PUKMEDIA