Roja Şehîdên YNK’ê bi rêzdarî bilind hat ragirtin

Taybet

Girê Şehîdan

Îro Şemî (23-11-2024) an bi amadebûna hejmareke zêde ji kesayetiyên hizbî û hikûmî û xizmên serbilind yên şehîdan û dost û hevrêyên wan li goristana şehîdan ya li Girê Seywan ( Roja Şehîdên YNK`ê) hat bi bîr anîn.

Ziyad Cebar: Têkoşîn û fedakariya şehîdên me ji bo tevahiya gelê Kurdistan`ê bûye

Di merasîmê Ziyad Cebar ; Berpirsê Melbenda 1 yê Rêxistina Silêmaniyê gotarek bi navê Mekteba Şehîdan pêşkêş kir û ragihand ku; îro em ji bo bîranîna şehîdên Yekîtiya Nîştimanî ya Kurdistanê (YNK) li vir in ku di dîroka partiya me de şoreşa nû ya gelê me bi pêşengiya Serok Mam Celal hatiye vêxistin û ew bûye egera têkoşîn û fedekariya hemû gelê Kurdistan`ê bi taybetî ji bo Kerkûk û deverên veqetandî.

Got jî: Îro em nêzî 27 Hezar şehîdan li ser vê mezara pîroz bi bîr tînin û ji wan re dibêjin (Hûn Namirin, Hên Di Dilê Gel De Dijîn), hizba me tomarek zêrîn û geş di rûpelên dîrokê de nivîsandiye; her wê yekê jî wusa kir ku YNK`ê  ji hemû hizbên din cudatir be;di vê qonaxa nû ya tekoşîna YNK’ê de bi serokatiya Bafil Celal Talebanî, karê me yê sereke parastina gelê Herêma Kurdistan`ê ye û em ji sozên ku me dane gel, paşve gavan navêjin.

Ji ber bêhnvedan û Pêvajoya Serjimêriyê Salroja Roja Şehîdên YNK`ê  di dema xwe de ne hat kirin û ji bo îro hat paşdaxistin

Roj 21ê Mijdarê hemû salekê (Roja Şehîdên YNK`ê) ye ku di vê rojê de Xale Şihab û hevalên wî hatibûn bidarvekirin; ku wek destpêka damezrandina (Şoreşa Nû) bû û ew grûpa pêşeng canê xwe feda kirin û dirûşma (Kêm Bijî û Zêdetir Bijî) bilindkirin.

Li gorî tomara Mekteba Şehîdan û Têkoşerên Yekîtiya Niştimaniya Kurdistan`ê (YNK) ku Malpera fermî yê PUKMEDIA wergirtiye; zêdetirî 26 hezar şehîdên YNK`ê hene.

PUKMEDIA