Serjimariya giştî ya nifûsê di roja sêyemîn de berdewam dike

Kurdistan 12:26 PM - 2024-11-22

Nexşeya Êraqê

Sibeha îro Înê tîmên serjimêrî yên girêdayî serjimêriya giştî piştî dirêjkirina dema xebatê dest bi temamkirina karên roja sêyem li seranserê Êraq û Herêma Kurdistanê kirin.

Proseya serjimêriya giştî ya nifûsê sibeha Çarşemê dest pê kir, û dê heta nîvê îşev berdewam bike, ku serjimarvan dê serdana her malekê bikin daku daneyan temam bikin û piştrast bikin.
Desteya bilind a serjimêriya giştî ya niştecihan li Êraqê biryar da ku dema karkirina serjimarvanan li parêzgehên ku karê xwe temam nekirine dirêj bike û diyar kir ku dê heta êvariya îro Înê 22/11/2024 were dirêjkirin.

Desteya Bilind a Serjimariya Giştî ya Nifûsê di daxuyaniyekê de ku gihiştiye destê PUKMEDIA bang li welatiyên ku hîne sardana wan ne hatiye kirin li malên xwe bimînin. Rayedar her wiha biryar da ku qedexeya derketina derve li hemû parêzgehên di nav sînorên îdarî de bê rakirin, her wiha qedexeya çûnûhatina otombêl û welatiyan a di navbera parêzgehan de heta nîvê şevê dewam bike.

Ji aliyê xwe ve, serokwezîrê Êraqê Mihemed Şeya El-Sudanî, ferman da tîmên serjimêrî yên ku ji bo pêkanîna serjimêriya giştî û niştecihan li seranserê Êraqê dixebitin, ku îro Înê proseya serjimêriyê temam bikin.
Li gorî daxuyaniya ofîsa xwe ya medyayê, Serokwezîr daxwazê ji hemû welatiyan dike ku hevkariyeke tam bi tîmên gerok re diyar bikin û zanyariyên rast bidin ji bo ev ezmûna girîng a geşepêdanê bi serkefe, ku hemû sektorên xizmetguzarî û aborî û geşepêdanê pişt pê dispêrin.

Rêjeyên qedandina serjimariya nifûsê

Ajansa Nûçeyan a Êraqî rêjeyên temambûna serjimêriya xelkê li seranserê Êraqê belav kir.
Li jêr ji sedî ji bo her parêzgehekê hatine tomar kirin:

- Bexda 80,48%
- Nînewa 98,60%
- Hewlêr %96.31
- Silêmanî %94,76
- Besra 89,85%
- Babil 94,78%
- Diyala 98.10%
- Zîqar 86.84%
- Necef El-Eşref %92.27
- Kerkûk %97.74
- Enbar 95,99%
- Selahedîn 98,16%
- Kerbela95,81%
- Wasit 98.68%
- Dîwaniye 95,33%
- Duhok 95,25%
- Maysan 91.23%
- El-Musana 94,73%

PUKMEDIA