Serjimariya giştî ya nifûsê di roja duyemîn de berdewam dike

PUKMEDIA

Serjimêriya nifusê

Îro Pêncşemê, tîmên serjimêrî yên proseya serjimêriya giştî ya niştecihan di roja xwe ya duyemîn de li seranserê Êraq û Herêma Kurdistanê kar û xebatên xwe dewam dike.

Proseya serjimêriya giştî ya nifûsê duh danê sibê, dest pê kir û wê heta nîvê îşev berdewam bike, ku serjimarvan dê serdana her malekê bikin daku daneyan piştrast bikin.
Serjimêriya giştî ya nifûs û xaniyan li Êraqê di sala 2024an de yekem serjimêriya nifûsê ye li welat ji sala 1997an ve. Zêdetirî 120,000 serjimarvan li hemû navçeyên Êraqê belav bûne di proseyê de, û zêdetir ji 70 pirs ji her malbatekê tê kirin. Qedexeya hatinûçûnê li seranserê Êraqê hatiye ragihandin û dê heta nîvê şeva îro Pêncşemê berdewam be .

Neteweyên Yekbûyî pesnê serjimartinê dide

Nûnerê Taybet ê Sekreterê Giştî yê Netewên Yekgirtî li Êraqê û Serokê Nûnertiya Netewên Yekgirtî bo Êraqê (UNAMI) Dr. Mihemed Hesan pesna yekem serjimêriya nifûsê ku ji 27 salan li Êraqê tê birêve birin da û giringiya wê di plan û projeyên pêşerojê jî.

Hesen pesna proseyê û hewldanên mezin ên hikûmetê ji bo serxistina wê kir û got: Êraq di qonaxeke dîrokî re derbas dibe û tiştên ku îro me dîtin gavên girîng in ji bo paşerojê. Ev serjimêrî ber geşepêdanê ve diçe û pêşketinên dewletan bi piranî bi serjimartinê ve girêdayî ye. Xebatên ku me îro dîtin, baweriya bi pêvajoyê û cidiyeta pêkanîna wê, bi hevkariya teknîkî ya bi sindoqa nifûsê ya Neteweyên Yekbûyî re piştrast dike.

Hesen, hewlên xebatkarên meydanî û alîkariyên teknîkî yên sindoqa nifûsê ya Neteweyên Yekbûyî di serkeftina operasyonê de bilind nirxand û daxwaza beşdarbûn û hevkariyê ji bo berjewendiya Êraqê kir.

Amaje bi wê yekê jî kir ki serjimêriya nifûsê ji bo dabînkirina maf û gihandina xizmetên giştî, dabeşkirina adil a çavkaniyan di navbera herêmên cuda de, û plansaziya li ser bingeha pîvanên zanistî yên nûjen e, bi navê min û bi navê Neteweyên Yekbûyî em pîrozbahiyê li we û xelkên Êraqê dikin û hêviya serkeftinê ji bo Êraqeke baştir dixwazim.

400 milyar dînar ji bo serjimêriyê

Rêveberê Cîbicîkar ê Serjimariya Giştî ya Niştecih û xanian li Herêma Kurdistanê Mehmûd Osman di hevpeyvîneke taybet de ligel PUKMEDIA ragihand: Zêdetirî 400 milyar dînar ji bo serjimêriya giştî ya nifûs û niştecihan li Êraq û Kurdistanê hatiye terxankirin. Li Herêma Kurdistanê prose bi awayekî baş dimeşe, em bang li welatiyan dikin ku di rojên 20 û 21ê de li malên xwe bimînin û bi tîmên me re hevkariyê bikin, ji ber ku li Herêma Kurdistanê serjimêriya rast û zanistî heye û gelekî girînge.

Rêveberê Cîbicîkar ê Serjimêriya Giştî ya Herêmê diyar kir: Pir girîng e welatiyên Herêma Kurdistanê û navçeyên nekok di proseyê de beşdar bibin û bersiva 70 pirsên ku ji wan hatine kirin, bidin, ji ber ku her yek ji wan Pirs armanceke wê ya taybetî heye.

Piştî 27 salan serjimariya yekem

Xala 11 a Qanûna Amar û Agahiyên Erdnîgarî ya sala 2023'an destnîşan dike ku her 10 salan carekê serjimêriya giştî ya nifûs û xaniyan bê kirin.

Serjimêriya sala 1957an serjimêriya dawîn bû di serdema padîşahiyê de û serjimariya sala 1965an jî yekem serjimêriya serdema komarê bû,û di 1977, 1978, û di 1997 de bêy beşdarbûna Herêma Kurdistanê serjimêrî hat kirin.

Serjimêriya niha xwedî girîngiyeke mezin e ji ber ku 27 sal piştî serjimêriya dawî ya nifûsê li Êraqê tê encamdan, û ew proseyeke geşepêdanê ye ku dê beşdarî nûkirina dane û nîşaneyên xeta hejariyê li Êraqê bike.

PUKMEDIA