Serjimêriya giştî ya li Êraq û Herêma Kurdistanê hat destpêkirin

PUKMEDIA

Nexşeya Êraqê

Sibeha îro Çarşemê, serjimêriya giştî ya xelkê li seranserê Êraq û Herêma Kurdistanê dest pê kir.

Proseya serjimêriya giştî ya nifûsê îro sibehê dest pê kir, û dê heya nîvê şevê du rojên din berdewam bike, ku serjimarvan dê serdana her malekê bikin da ku daneyan temam bikin û piştrast bikin.

Serjimêriya giştî ya nifûs û xaniyan li Êraqê di sala 2024an de yekem serjimêriya nifûsê ye li welat ji sala 1997an ve, û di rojên 20 û 21ê vê mehê de pêk tê. zêdetirî 70 pirs ji her malbatê re têne pirskirin.
Qedexeya hatinûçûnê li seranserê Êraqê hatiye ragihandin û heta nîvê şeva roja pêncşemê berdewam e û divê welatî li malên xwe amade bin dema tîmên serjimêrî serdana wan bikin û zanyariyên xwe bi awayekî rast tomar bikin.

400 milyar dînar ji bo serjimêriyê

Rêveberê Cîbicîkar ê Serjimariya Giştî ya Niştecih û xanian li Herêma Kurdistanê Mehmûd Osman di hevpeyvîneke taybet de ligel PUKMEDIA ragihand: Zêdetirî 400 milyar dînar ji bo serjimêriya giştî ya nifûs û niştecihan li Êraq û Kurdistanê hatiye terxankirin. Li Herêma Kurdistanê prose bi awayekî baş dimeşe, em bang li welatiyan dikin ku di rojên 20 û 21ê de li malên xwe bimînin û bi tîmên me re hevkariyê bikin, ji ber ku li Herêma Kurdistanê serjimêriya rast û zanistî heye û gelekî girînge.

Rêveberê Cîbicîkar ê Serjimêriya Giştî ya Herêmê diyar kir: Pir girîng e welatiyên Herêma Kurdistanê û navçeyên nekok di proseyê de beşdar bibin û bersiva 70 pirsên ku ji wan hatine kirin, bidin, ji ber ku her yek ji wan Pirs armanceke wê ya taybetî heye.

Piştî 27 salan serjimariya yekem

Xala 11 a Qanûna Amar û Agahiyên Erdnîgarî ya sala 2023'an destnîşan dike ku her 10 salan carekê serjimêriya giştî ya nifûs û xaniyan bê kirin.

Serjimêriya sala 1957an serjimêriya dawîn bû di serdema padîşahiyê de û serjimariya sala 1965an jî yekem serjimêriya serdema komarê bû,û di 1977, 1978, û di 1997 de bêy beşdarbûna Herêma Kurdistanê serjimêrî hat kirin.

Serjimêriya niha xwedî girîngiyeke mezin e ji ber ku 27 sal piştî serjimêriya dawî ya nifûsê li Êraqê tê encamdan, û ew proseyeke geşepêdanê ye ku dê beşdarî nûkirina dane û nîşaneyên xeta hejariyê li Êraqê bike.