Talebanî: Divê hikûmeteke dadperwer bê avakirin

Buroya Çapemeniyê ya Qubad Talebanî

Cîgirê serokwezîr û konsulê nû yê Misirê

Cîgirê Serokwezîr Qubad Talebanî pêşwaziya Balyozê Misirê Mehmûd Farûq Amer û Konsulê Giştî yê Misrê li Herêma Kurdistanê kir.Di civînê de behsa çawaniya bihêzkirina peywendiyên her du aliyan hate kirin.

Di destpêka civîna roja sêşemê li Hewlêrê, Qubad Talebanî pîrozbahiya destbikarbûna Konsulê Giştî yê nû kir. Amadebûna xwe û ofîsa cîgirê serokwezîr ji bo her alîkarî û asankariyê ji bo zêdetir xurtkirina peywendiyên di navbera her du welatan de nîşan da.

Cîgirê serokwezîr piştre amaje bi peywendiyên dîrokî yên navbera Misir û Herêma Kurdistanê kir û rola Serok Mam Celal bi bîr xist ku hewl dida peywendiyên di navbera her du welatan de çêbibe û bihêztir bibe û eşkere kir ku di vê qonaxê de, Herêma Kurdistanê di hemû waran de baştirîn û bihêztirîn peywendiyên ligel Misirê dixwaze.

Di civînê de behsa qonaxa piştî hilbijartinên Herêma Kurdistanê jî hat kirin û di vê derbarê de, Qubad Talebanî tekez li ser hewlên pêkanîna hikûmeteke xizmetguzarî û dadperwerî kir ku xizmeta hemû welatiyên Herêma Kurdistanê bike.

Li beşekî dinê vê hevdîtinê de behsa bihêzkirina têkeliyên navbera Herêma Kurdistanê û Misirê di warên çandî, çandinî û geştiyariyê de hate kirin. Her du alî li ser wê yekê hevdeng bûn ku derfetên baş ji bo pêşxistina peywendiyan di her sê waran de hene û pêwîst e li gorî planeke hevbeş û berjewendiyên hevbeş ji bo pêşxistina peywendiyan di her sê waran de kar bikin.

PUKMEDIA