Serokomar: Em ê li dijî guherîna avhewayê şer bikin

Malpera serokatiyê

Serokomarê Azerbaycanê û Serokomarê Iraqê

Cenabê Serok Komarê Dr.Ebdul Letîf Cemal Reşîd îro duşemî 11.11.2024 li baregeha konferansa avûhewayê ya Neteweyên Yekbûyî COP 29 li Bakûya paytexta Azerbaycanê bi cenabê Serokomarê Azerbaycanê re Birêz Îlham Heyder Aliyev civiya.

Di hevdîtinê de ku li baregeha Konferansa Guhertina Avhewayê ya Neteweyên Yekbûyî (COP29) li Bakuya paytexta Azerbaycanê hat lidarxistin, peywendiyên kûr ên di navbera Iraq û Azerbaycanê de di astên curbicur de hatin gotûbêjkirin û Serokomar li ser giringiya berfirehkirina hevkariyan li  gel Azerbaycanê tekez kir li ser  warên aborî, pîşesazî, veberhênan, tûrîzm, jîngeh û enerjiyê ji bo berjewendiya herdu welatan.

Di hevdîtinê de her wiha mijarên Konferansa Guhertina Avhewayê ya Neteweyên Yekbûyî (COP29) hatin gotûbêjkirin û di vê çarçoveyê de Serokomar bal kişand ser girîngiya aktîvkirina mekanîzmayên hevkarî û hemahengiya dualî û navneteweyî di warê têkoşîna li dijî guherîna avhewayê de.
Di hevdîtinê de çendîn mijarên navçeyî û cîhanî hatin gengeşekirin û her du alî tekez li ser bihêztir kirina hewlên navnetewî ji bo çareser kirina pirsgirêkên heyî û kar bo dawî anîna wan pirsgirêkan  kirin, bi awayekî ku bingeha aştî û asayîşa navnetewî pêk bîne.

Ji aliyê xwe ve Îlham Aliyev xweşhaliya xwe ji bo serdan û beşdariya serokomar di konferansê de nîşan da û tekezî li ser pêgiriya welatê xwe ji bo bihêzkirina têkeliyên digel Iraqê di warên cuda de kir.
Di civînê de, Wezîrê Tendirustiyê Dr.Saleh Hesnewî, Serokê Dîwana Serokatiyê Dr.Kamil Duleymî û Serokê Lijneya Çandinî, Av û Daristanan a Encûmena Nûneran Faleh Xezalî amade bûn.

Serokomar îro danê sibê gihîşt Balafirgeha Heyder Aliyev a Bakûyê û li ser vexwandina fermî ya Serokomarê Azerbaycanê Îlham Aliyev dê beşdarî Lûtkeya Avhewayê ya Neteweyên Yekbûyî (COP29) bibe.

PUKMEDIA