Nermîn Merûf: Serrastkirina bûdceyê dê bê parlemanê

PUKMEDIA

Civata Nûnerên Êraq`ê -Dînarê Êraqî

Têçûna Nefta Herêmê ku biryara Civata Wezîran li ser hatiye dayîn; hatiye êxistin nava pirsa serrastkirina proje yasaya budceya sala 2025 an ya Êraq`ê; û endamek ya komîteya Darayî jî dibêje: Pêwîste di dema heyvekê de deng li ser wê proje yasayê bê dayîn; û eger ew madeya têçûna nefta herêmê bê pesendkirin, Herêma Kurdistanê dikare hinartina nefta xwe ji nû ve dest pê bike.

Dr. Nermîn Merûf; Endama Komîteya Darayî ya Parlemana Êraq`ê ji malpera fermî ya Yekîtiya Nîştimanî ya Kurdistan`ê (YNK) PUKMEDIA re ragihand; biryar e ku di vê hefteyê de serrastkirina yasaya bûdceyê bigihêje Civata Nûneran; û hefteya bê jî xwendina yekem û duyem ji bo wê babetê bê kirin.

Dr.Nermîn Merûf got: Di serrastkirina yasayê de ew madeya ji bo wê hatiye zêdekirin ku peywendîdar e bi têçûna nefta herêmê, tê çaverêkirin ku jî di  nava heyvekê de ku werzê yasadanana Civata Nûneran hatiye dirêj kirin deng li ser wê bê dayîn.

Navbirî asker jî kir ku; eger ew made di Civata Nûneran dengên pêwîst bidest bixe, êdî herêm dikare bi riya Kompanya ya (SOMO) hinartina nefta xwe jinûve dest pê bike.

Ev yek di demekê de ye ku; di civîna roja (05-11-2024) an Civata Wezîrên Êraq`ê bi serokatiya Mihemed Şeyah Sûdanî; Serok Wezîrên Êraq`ê; biryar dabû li ser xerciyên siyadî yên Hikûmeta Herêma Kurdistan`ê ji bo têçûnên berhemanîn û veguhestina neftê;li hemberî ew nefta ku ji aliyê herêmê ve tê ji aliyê kompanya bi bazakirina nîştimanî SOMO û Wezareta Nefta Federalî werdigire; ku her bermîlekî bi 16 Dolaran tê texmînkirin.

PUKMEDIA