Serjimêriya nifûsê dê kurdbûna navçeyên nekok piştrast bike

Kurdistan 01:33 PM - 2024-11-10

Navçeyên Kurdistanî

Biryare di vê mehê de serjimêriya giştî ya hemû navçeyên Êraqê û Herêma Kurdistanê de were kirin, ev serjimêriya ji kurdan re gelekî girînge bi taybet li navçeyên nekok ji berk u kurd li wir pirtirin û ji ber siyasetên koçberkirin û erebkirinê, rêjeyeke mezin ji xelkê kurd ji wan deveran koçber bûne, ji ber wê jî vegera wan girîngr bo beşdarbûnê di serjimêriya giştî de.

Serjimêrî gelekî girîng e

 

Endamê lijneya hemahengiya serjimêriya Kerkûkê Avêste Mihemed di hevpeyvîneke taybet de ligel PUKMEDIA ragihand: Serjimêriya vê carê gelekî girîng e, bi taybetî li parêzgeha Kerkûkê û her welatiyekî Kerkûkî ku li her deverekê be dive vegere û beşdarî serjimêriyê bibe.

Got jî: metirsî hene ku hemwelatîyên Kerkûkê li derveyê Kerkûkê bin û eger li bajarê xwe navê xwe tomar nekin wek xelkê Kerkûkê di warê erkdarkirin û dabînkirina xwarinê de, ji bilî mafê dengdanê ti mafên wan li parêzgehê namînin. û hemû îmtiyazên wan dê derbasî parêzgeha ku lê hatine tomarkirin bibin.

Got jî: Pêvajoya serjimêrî dê rojên 20 û 21 vê mehê birêve biçe û divê hemû welatî li malên xwe bimînin û belgeyên fermî pêşkêşî tîmên serjimartinê bikin.

Erkeke neteweyî ye

 

Avêsta Şêx Mihemed dibêje: Xelkê Kerkûk û navçeyên Kurdistanî erkeke niştimanî li ser mile wane bi beşdariya di serjimêriya giştî ya nifûsa giştî de a di 20/11/2024, û pêwîste hemû welatî di wê rojê de û li bajarê xwe yê resen beşdar bibin.

Got jî: Divê em li ser vê dosyeya giring a neteweyî hizir bikin ku ji bo parastina navçeyên nekokbar ev çendîn sal in qurbaniyan didin ji ber wê beşdarbûn di di vê serjimariyê de ne kêmtirî girîngiya wan qurbaniyan e.  Divê xelk vegerin warên xwe û beşdarî serjimêriya giştî bibin, ji ber ku ev serjimêrî dê bibe bingehê hemû biryar û dosyeyên pêşerojê.

Divê em bi girîngî bi serjimêriyê re mijul bin

 

Avêsta Şêx Mihemed dibêje: Ev amar ji bo Kurdan gelek girîng e, bi taybetî ji bo madeya 140, divê Kurdbûna Kerkûkê were îsbatkirin û rêjeya Kurdan li wê parêzgehê were zelalkirin, ji ber ku eger Kurd li wir bibin kêmîne emê rûbirûyê zehmetiyên mezin bibin di cîbicîkirina maddeya 140 de. Divê xelkê Kerkûkê bên bajarê xwe û kurdbûna Kerkûkê îsbat bikin .
Got jî: Siyasetên koçberkirin û erebkirinê û çaresernekirina kêşeyan bû sedema koçberbûna xelkê resen ên Kerkûkê ji bajarên xwe bo deverên din, lewra divê her kes vegere warên xwe û beşdarî serjimêriya giştî ya xelkê bibe. ev erkeke netewî û niştimanî ye.

PUKMEDIA