Xanima Yekem a Iraqê: Divê em zihniyeta dîktatorî biguherînin bo xizmetguzariyê

BMC

Şenaz Îbrahîm Ehmed

Xanima Yekem a Iraqê li ser  avakirina kabîna Hikûmeta Herêma Kurdistanê got:"Ne girîng e ka kî di hikûmeta bê de karên herî jor cîh digire,ya girîng e ku kesê rast li cîhê rast were tayîn kirin ku dê xizmeta gel jî bike.Divê em zîhniyeta dîktatorî û cudaxwaziyê biguherînin zihniyeta xizmetkirinê di  hikûmeta bê ya Herêma Kurdistanê de.”

Xanima Yekem a Iraqê Şenaz Îbrahîm Ehmed ragihand ku di civîneke çapemeniyê de:“Divê em zihniyeta dîktatorî û cudaxwaziyê biguherînin zihniyeta xizmetguzariyê, ji ber ku ferq nake ku kî yan kîjan alî di postên bilind ên hikûmetê de cih bigire, lê giringiyê bide kê ku karibe xizmetê bike, ji ber wê jî divê alî dest bi danûstandinan bikin bo pêkanîna hikûmeta nû. "

Xanima yekem a Iraqê li ser pirseke rojnamevanekî ku çima hîn kanalên medyayî yên PDKê bi qestî Silêmanî û YNKê kirine armanc, got: “Van kanalên hanê durustiya xwe wenda kirine û ji bo îftirakirina li ser Silêmaniyê kar dikin, wek mînak duh baregeha DEM ê ya li Hewlêrê girtin û şandin Silêmaniyê.’’

“Gelek gilî li ser karê hikûmetê hene, lewra ev awayê reftarkirina gelê me yê ezîz û biryarên otorîter ên ku tên dayîn ne guncaw e û divê dawî lê bê anîn û hikûmetek xizmetguzer bê avakirin.Ji ber wê jî divê bê zanîn dê ew pose Serokê Hikumet  ji kê re were dayîn, ji ber ku carna ew kes bi xwe dibe asteng ji bo xizmetkirina welatiyan, ne hikûmet û wezaret.” Şanaz Îbrahîm Ehmed got.

PUKMEDIA