Civata Nûnerên Êraq`ê dema xwe ya yasayî bo 30 rojan dirêj kir

PUKMEDIA

Civata Nûnerên Êraq`ê

Serokatiya Civata Nûnerên Êraq`ê îro, Pênşemî (07-11-2024) an; biryar da ku dema xwe ya yasayî ji bo 30 rojan dirêj bike.

Di wê derbarê de; Dezgeha Ragihandinê ya Civata Nûneran di daxuyaniyeke kurt de ku wêneyek ji wê gihîştiye PUKMEDIA ragihand: Serokatiya Civata Nûneran biryar da ku dema yasayî ji bo 30 rojan were dirêjkirin ku ji roja 9ê Mijdar`ê ve dê dest pê bike.

Li gor madeya 56-duyem ya Destûra Êraq`ê: Li ser daxwaza Serokê Komarê, dema yasayî ya civîna Civata Nûneran ji bo cîbicîkirina erkên xwe, ji 30 rojan zêdetir nayê dirêjkirin; lewra ji bo cî bi cîkirina wê erkê ew yek li ser daxwaza Serokwezîr, Serokê Civata Nûneran yan jî 50 endamên Civata Nûneran dibe.

Dirêjkirina dema yasayî bi mebesta pesendkirina yasayên li ber çavan tê, ji ber ku di dema borî de çendîn caran civînên civatê ji ber nebûna rêjeya tê xwestin hatibûn paşdaxistin, her weha derbarê 3 proje yasayên girîng, ku ev in (proje yasaya derbarê vegerandina mal û milkan ji xwediyên wan re, ku bi hindek biryarên Civata Serkirdayetiya Şoreş`ê ya hilweşiyayî, projeya Yasaya Lêborîna Giştî û serrastkirina Yasaya Rewşa Kesayetî ve girêdayî ye.

PUKMEDIA