Yad Neqişbendî: Çêkirina Hîwaya mezin paşketinê qebûl nake

Kurdistan 12:52 PM - 2024-11-07

Rêvebirê nexweşxaneya Hîwa Dr.Yad Neqşbendî

 Tê xwastin ku kevirê bingehîn ê nexweşxaneya Hîwa ya mezin ku taybete bi dermankirina penceşêrê li Silêmaniyê were danîn, rêveberê nexweşxaneyê dibêje: Ev zêdetirî 6 mehan e di civîna encumena sindoqa penceşêrê de biryara danîna kevirê bingehîn a nexweşxaneyê hetiye danîn, lê hikûmetê ew cîbicî nekiriye di demekê de ye ku erd ji bo wê hatiye dabînkirin.

Got jî: Di du salên borî de nexweşxane bi dahata Silêmaniyê hatiye birêvebirin û hikûmetê ti alîkarî nedaye.
Rêvebirê nexweşxaneya Hîwa Dr.Yad Neqşbendî di civîneke çapemeniyê de got: Tevî ku di dema borî de nexweşxaneya Hîwa li ser erkê xêrxwazan hatibû nûjenkirin, lê nexweşxane nikare zêdetir ji wê xizmet bike bo hejmareke zêde ya nexweşan.

 Divê hikûmet rêzê li rapora Meclîsa sindoqa Penceşêrê bigire

 

Dr.Yad Neqşbendî dibêje: Em bang li hikûmeta Herêma Kurdistanê dikin ku rêzê li rapora civîna Encûmena Sindoqa Penceşêrê bigire ku ev zêdetirî şeş mehe biryar biryar hatiye dayîn ku kevirê bingehîn ê nexweşxaneya Silêmaniyê deyne û ji bow ê jî biryar hatiye dayîn ku komîteyek serdana nexweşxaneya Hîwa bike, lê heta niha komîte piştî şeş mehan hîn neçûye Silêmaniyê.

Di navbera nexweşxaneyê Hewlêrê û Hîwa de cudahî hat kirin

 

Kevirê bingehîn yê nexweşxaneya 200 qerewêla li Hewlêrê cihê destxweşiyê ye, lê li gorî biryara Meclîsa Sindoqa Penceşêrê, divyabû ku  kevirê bingehîn ê nexweşxaneyê Hîwa li Silêmaniyê bihata danîn, lê cihêkarî hate kirin.

 

12 donim erd ji bo Hîwaya mezin hatiye terxankirin

 

Rêvebirê nexweşxaneya Hîwa got jî: Bi saya Şaredariya Silêmaniyê 12 donim erd li nêzî parka Hewarî Şar ji bo avakirina nexweşxaneyê hatiye terxankirin û ti hincet nîne ku kevirê bingehîn bê danîn.

Hîwa pêşenga nexweşxaneyên hikûmî ya penceşêrê ye li Êraqê

 

Wî got:Di dema borî de, me karibû bi amûrek pir pêşkeftî pişkinîna nexweşan bikin da ku piştrast bibin ku eye pêwîstiya nexweş bi tîşk heye weku çareser yan na, bi vê yekê nexweşxaneya Hîwa teke nexweşxaneya hikûmî ya penceşêrê ye li Êraqê ku ev pişkinîn têde encamp dide.

 

PUKMEDIA