Talebanî: Ji bo çareserkirina pirsgirêkan plana me heye

Buroya Çapemeniyê ya Qubad Talebanî

Cîgirê Serokwezîr û Balyozê Brîtanya li Iraqê

Cîgirê Serokwezîrê Herêma Kurdistanê Qubad  Talebanî pêşwaziya Balyozê Brîtanya li Iraqê Stephen Hitchen kir û di wê hevdîtinê de pêwendiyên dualî û qonaxa piştî hilbijartinan gotûbêj kirin.

Di hevdîtinê de ku roja Çarşemê hat lidarxistin, Qubad Talebanî spasiya rola erênî ya Brîtanyayê li piştgirîkirina  Herêma Kurdistanê û proseya hilbijartinan kir û pêşxistina peywendiyên dualî di warên cuda de giring û bi  pêwîst zanî.

Di beşeke din ya hevdîtinê de, her du aliyan behsa qonaxa piştî hilbijartinan kirin û li ser pêngavên pêkanîna hikûmeta nû ya Herêma Kurdistanê nêrîn û nêrînên xwe danustandin.

Ji aliyê xwe ve, Qubad Talebanî got: “Ji bo çareserkirina kêmasiyan û baştir xizmetkirina welatiyan bernameya me heye.’’

PUKMEDIA