Talebanî: Herêma Kurdistanê di qonaxeke nû de ye

Buroya Çapemeniyê ya Qubad Talebanî

Cîgirê Serokwezîr û Serkonsolosê Îranê

Cîgirê Serokwezîrê Herêma Kurdistanê Qubad Talebanî bi minasebeta bidawîhatina erkê wî pêşwaziya Nesrullah Reşnûdî Konsulê Giştî yê Komara Îslamî ya Îranê li Hewlêrê kir.

Qubad Talebanî roja Çarşemê di hevdîtina ku pêk hat, hewlên Konsulê Giştî yê Komara Îslamî ya Îranê ji bo xurtkirina peywendiyên dualî di warên curbicur de ku di van salên dawî de pêşketinên zêdetir bi xwe re dîtine, bilind nirxand.

Di vê çarçoveyê de Nesrullah Reşnûdî behsa peywendiyên navbera Herêma Kurdistanê û Komara Îslamî ya Îranê kir û rola girîng a Serok Mam Celal di danîna bingehê peywendiyên bihêz ên di navbera her du gelan û welatên dost bi bîr xist û bilind nirxand.

Di civînê de behsa encamên hilbijartinên parlamentoya Kurdistanê û pêngavên pêkanîna hikûmeta nû jî hat kirin û Talrbanî got:“Herêma Kurdistanê di qonaxeke nû de ye û me bernameyeke çaksazî û xizmetkirina baştir bo welatiyan heye.”

PUKMEDIA